Page 8 - Digicel March 3 2015

Digicel a lansa campaña special pa clientenan prepaid

Monday, 02 March 2015 18:19
Comparti

Hunto cu gerencia, algun empleado di e ekipo di mercadeo promocion di Digicel Aruba, a organisa un
encuentro cu medionan di comunicacion.
A probecha pa celebra hacimento di aña di Jonathan Lake di Blue FM, kende ta un embahador pa
servicio di Prepaid di Digicel desde nan lansamento 11 aña pasa. A probecha e encuentro cu miembronan
di prensa pa elabora mas riba nan campaña special di data pa celularnan prepaid. Den esey, ta
promoviendo e forma nobo cu Digicel ta anda cu su paketenan di data. Manera ta conoci, nan tin
paketenan di 1 dia, di tres dia, y 1 luna pa servicio di data. Desde awor, ora e pakete caba pero e cliente ta
den su periodo di validacion ainda, Digicel ta haci posibel pa e cliente keda comunica gratis via Whatsapp
y Facebook. Claro cu esey ta un bentaha cu antes no tabata conoci na Aruba, pasobra asina cu alcansa e
limite di data den e tempo acorda, cu e servicio ta stop mesora. E oferta “One Day Daily Data Plan” ta
nifica cu bo por probecha mucho mas for di bo data plan. Pa solamente Afl. 2.49 bo ta ricibi 50MB pa
chat & surf riba e red di 4G di Digicel. Pero awor a añadi e “One Day plan” diferente, cu ta inclui uzo
gratis di Facebook y WhatsApp riba bo Smartphone. Cliente ta haya acceso gratis na WhatsApp y
Facebook pa solamente Afl.2.99. Uza bo data manera bo ta haci diariamente y ora bo alcansa bo limite, e
ta dunabo acceso keto bay na WhatsApp y na Facebook. Pa activa e plan, yama *123# y purba pa bo mes.
Digicel ta compromete su mes na brinda lo ultimo den productonan innovativo y servicio excelente na su
consumidornan y cu e oferta aki nan ta simplemente demostra esaki. Digicel ta duna tur su usuarionan e
libertad y comodidad pa uza Facebook y WhatsApp Pa promove e campaña mas ainda, Digicel a
participa activamente den e fiesta diabierna anochi na Sand Bar, den cual e banda di momento Buleria a
presenta na un publico grandi. E ekipo di promocion di Digicel tabatin dos mucha homber cu nan curpa
pinta cora na Digicel, sacando "selfie" cu esunnan presente y promoviendo e campaña nobo di data pa
usuarionan riba nan plataforma prepaid. Di e forma aki Digicel ta sigui causa sensacion den e mercado di
comunicacion mobil riba nos isla, siendo e compania di celular cu mas ta creciendo na Aruba, den Caribe,
den Centro America y awor hasta den Ocean Pacifico. Digicel tin 12 aña, ofreciendo servicio innovativo y
productonan optimal na e mercado di Aruba y ta afirma su compromiso pa keda pa hopi tempo mas.

http://www.24ora.com/local-mainmenu-5/92429-digicel-a-lansa-campana-special-pa-clientenan-
prepaid