Page 10 - Awe Mainta

10 AWEMainta Diasabra, 26 September 2015

Entrada hudicial
na Boca Simon

WILLEMSTAD - Diahuebs 24 di sèptèmber 2015, alrededor di 17.50’or Team di Man-

tencion di Òrdo Público Rio Canario a tene un entrada hudicial den un cas na Boca Simon
pa violacion di Ley di Arma di Candela.
Durante investigacion n’e cas Polis a haña tras di un sofa den balcon un pistol di presion di
aire modificá pa usa caliber mas grandi. Polis a confiscá e arma aki pa mas investigacion.

Ladronisia cu
violencia cu herido

WILLEMSTAD – Ayera diabièrnè, alrededor di 00.45’or, Central a ricibí infor-

mashon di un caso di ladronisia cu ta tuma lugar na un minimarket den área di
Bonamweg.
Mesora unidadnan policial a keda dirigí n’e sitio. Na yegada di e patruyanan policial
a resultá cu ta na un cas den Dario Salasstraat un ladronisia cu violencia a caba di
tuma lugar riba un famia di 5 persona.
For di un investigacion preliminar cu Polis a realisá n’e sitio, e hòmber cabes di e
famia a declará, na momentu e cu su casa tabata pafó nan a keda sorprendí pa dos
hòmber desconocí cu cara tapa.
Ámbos tabatin arma di candela den man. E malhechornan a cuminsá pidi nan sèn.
Un di e hòmbernan aki a dal e hòmber víctima cu e arma di candela na su cabes
parti dilanti, tambe nan a maltratá e dama.
E sospechonan a logra di bay cu algun sèn. Den nan huida nan a laga algun artículo
atras cu a keda confiská.
Personal di “Yudansa na Víctima” cu a acudí n’e sitio a duna e víctimanan asistencia.
Departamento di Atraco ta continuá cu e investigacion.