Page 18 - Awe Mainta

18 AWEMainta Diasabra, 26 September 2015

“Beef People”
Campeon di Mens
Erger Je Niet LIVE
den Centro di
Bario Brazil

Otro aña ta cumpli 10 aña y ta bay tin
hopi sorpresa

E GRUPONAN cu a bay p’e gran final dia 4 di september ultimo

a hunga un tremendo wega. Especialmente nan coach cu mester
a usa diferente strategia y tambe probecha di erornan di nan
contricantenan. E teamnan den “Pool A” cu a bay final invicto tabata
e ultimo 4 finalistanan for di un total di 64 grupo.
Tambe den e rond di “Pool B’ tabata esnan cu a perde un solo wega
durante di henter e campeonato.

Pa 8 or exacto e wega di “Pool B” a cuminsa y e campeonan bira
“Weet Niks” sigui pa “Smash”, “Banana Gang” y “Hot Ones Band”.
Despues a sigui “Pool A” pa Campeon di Aruba: Aki e Campeon
indiscutibel a bira “Beef People” sigui pa “Dushi Yui”, “Leysner &
de Cuba” y “Waki Dogs”

Centro di Bario Brazil ta felicita tur esnan cu a haci e campeonato
aki uno asina tremendo atrobe.
Especialmente e líder di Mens Erger Je Niet LIVE, sr. Eddie Dandlou
hunto cu tur su boluntarionan cu a haci e campeonato aki esun di
mas grandi te awor. Un danki na Maduro Travel y tur boluntario di
Brazil cu a guía e weganan pa 4 luna largo tur diabierna y diasabra.
Anto ainda tin weganan andando p’esnan cu ta solicita. Tur siman
ta drenta mas yamada pa mas wega di diferente grupo y empresa
for di tur skina den nos comunidad.

Otro aña 2016 ta cumpli 10 aña y ta bay tin hopi sorpresa. Teamnan
cu ta participa tur aña na Mens Erger Je Niet LIVE no por imagina
con e weganan ta bay tuma lugar. Un cos ta sigur¡!! Lo tin hopi mas
grupo y hende presente na cada wega.