Page 3 - Awe Mainta
P. 3
AWEMainta Diasabra, 26 September 2015 3
Tin tur indicacion cu TABATA algo prome cu 6 or di ayera
Candela a cuminsa den e tire repair mainta, a surgi un candela grandi na en-
shop, cu a expande p’e restaurant y trada di Cumana/Tarabana, unda gai cora
a causa daño na un cas na banda a canta tempran.
Un candela cu a destrui totalmente dos
negoshi, pero tambe causa daño na un cas
cu ta keda pabao di e Tire Repair Shop.
E prome informenan cu nos a recibi ta, cu
bisiñanan a tende un explosion fuerte y
despues por a mira lenganan di candela
grandi. A pensa cu e candela lo a origina
den Casa Vieja Restaurant, pero despues
Comandante di Cuerpo di Bombero,
Edward de Cuba a duna di conoce cu
e candela a cuminsa den e Tire Repair
Shop. Con, esey a cuminsa mester wordo
investiga ainda.
Inmediatamente a manda urgentemente
unidadnan di Bombero.
Na yegada Bomberonan a haya e Tire Re-
pair Shop ya den un candela feroz y tabata
menasa Casa Vieja Restaurant, cu despues
tambe a bira cay den gara di vlamnan
grandi.
Polis tambe a wordo avisa pa sera e area
pa bomberonan por a traha. Tres unidad
di bombero a yega rapidamente.
E candela a crece rapidamente y te hasta a
causa daño n’e cas pabou di e Tire Repair
Shop.
Bomberonan despues di varios ora cu basta
esfuerzo a logra domina e candela. E locali-
dadnan cu a kima no ta sirbi mas. Investiga-
cion ta bay cuminsa mesora p’asina saca
afo kico a sosode exactamente. Recherche
y Cuerpo Tecnico a wordo avisa.
Comandante di Bombero, Edward de Cuba
a bisa cu bomberonan a haya nan mes
confronta cu problema pa drenta e Tire
Repair Shop, ya cu e tabata bon sera pa
evita ladronicia. A dicidi di aplica e tactica
di wak con por proteha e restaurant y e cas
pa despues sigui cu e Tire Shop.
E Tire Shop tabatin como 3 container pa-
tras, yen yen di tire, unda e candela a yega
tambe. Mester a corta un di e containernan,
pa ataca e candela den e container mes.
E Comandante di Bombero, de Cuba no
por bisa ainda, si e dos negoshinan ta
sigura ni tampoco e cas. Hecho ta cu e Tire
Shop a kima completo y Casa Vieja a haya
asina hopi daño cu mester bash’e abao y
probablemente e cas tambe, mira con e dak
a cuminsa sak den otro.
