Page 30 - ROBERT CANDELARIA FLIP NEWSPAPER CLIPPINGS - 14 JULY 2017

ORANJESTAD (AAN): Robert Candelaria ta bini di un mama Arubiano, wela Arubiano,
casa Arubiano, yiunan Arubiano y su prome trabao despues di su estudio tabata na
Aruba. Esey ta haci cu el a opta pa duna back na e pais cu tanto a ofrece
oportunidadnan den su bida.

“Awe mi ta para aki boso dilanti cu un sentido di profundo humildes pa informa boso cu
mi a worde acerca door di nos Ministro Presidente y Lider di partido AVP, Mike Eman, pa
join e team di AVP y sirbi e pais tan stima aki”, asina el a inicia su discurso diahuebs
mainta dilanti un cantidad di ex-Polis, famia, Ministernan, Parlamentarionan,
candidatonan y invitadonan den cas di Partido AVP na Playa.

“Mi a bira Polis pasobra di ora mi tin tino y ma siña papia mi a bisa cu mi kier bira Polis.
Ora mi a cuminsa mi carera policial despues di mi estudio na NPA na Apeldoorn, ta na
Aruba mi a cuminsa. Aki mi a traha cu hopi di e Polisnan cu ya a baha cu pensioen of ya
no ta hunto cu nos mas. Di nan mi a siña kico ta nifica pa sirbi bo pais. Diploma ta un
cos, pero siña di experencia di esunnan mas grandi cu bo ta priceless”, asina Robert