Page 12 - paul

Kick Off pa Aruba Doet 2015 cu 123 proyecto y
2650 boluntario

 Mar 20th, 2015
 Local

Diabierna mainta na Cas Speransa di Fundacion Adopt an Addict a tuma luga e ‘kick-off’ pa ARUBA
DOET 2015. Durante diabierna y diasabra lo realisa 123 proyecto di organisacionnan social, deportivo,
educativo y cultural. Mas cu 2650 boluntario ta trahando na bienestar di nos comunidad. Esaki ta e di tres
edicion di ARUBA DOET, e accion boluntario mas grandi di Aruba, organisa pa CEDE Aruba
conhuntamente cu Oranje Fonds.
ARUBA DOET 2015 a ranca sali. Durante e ultimo dos siman nos ta wak hopi banners den tur skina di
nos isla. For di siman pasa organisacionnan a prepara pa ricibi nan boluntarionan. E aña aki, ARUBA
DOET ta mobilisando mas cu 2650 boluntario cu ta consisti di 54 grupo di compania, 57 grupo di scol, 16
service clubs, 4 fundacion, 2 organisacion di gobierno y 2 fraccion di partido politico.
E team tras di ARUBA DOET ta sumamente satisfecho con e accion a desaroya den tres aña. E aporte ta
grandi y tin un balor inmenso pa tur organisacion. “Cada boluntario ta traha por lo menos 4 ora. Si nos
mester balora cada ora boluntario durante ARUBA DOET, nos lo yega na un contribucion di minimo
10.600 ora di trabou boluntario den apenas 2 dia. Esaki ta un donacion grandi di capital humano.”
123 proyecto hopi diverso
Den e edicion di ARUBA DOET 2015 tin naturalmente varios trabou material, pero tambe un aumento di
actividad social pa diferente grupo. E mayoria di proyecto lo tuma luga den scolnan y organisacionnan di
cuido. Banda di esaki tin proyecto den organisacionnan cultural, clubnan di deporte, scouting y centronan
di bario. Tur e organisacionnan aki lo conoce un cambio chikito of grandi den e dianan aki.
Un bista ariba e boluntarionan
800 di e 2650 ta boluntario fiho di tur e organisacionnan cu ta participa. Esey ta nifica cu mas cu dos
tercer parti di tur boluntario ta caranan nobo pa e organisacionnan. ARUBA DOET ta ofrece un tremendo