Page 14 - MIN.ON 3 OCT,2015

AWEMainta Diasabra, 3 Oktober 2015 11

E pakico
autonomia
t’asina
importante

E AUTONOMIA di Aruba ta base riba e derecho di

autodeterminacion di nos pais cu a ser logra na 1981.
Tabata e prome biaha cu Hulanda a acepta e derecho di
cada isla pa por dicidi su propio destino.
Despues n’e Ronde Tafel Conferentie di 1983 a ser
acorda cu Aruba ta haya su autonomia den forma di
un Status Aparte primeramente pa 10 aña y despues
esaki a bira pa tempo indefini. Cu e entrada di Status
Aparte na 1986 Aruba a haya su propio instrumentonan
constitucional manera su Parlamento, su Gabinete
di Ministro, su Ministerio Publico, Raad van Advies,
Algemene Rekenkamer, Banco Central etc., segun Juan
Ady Thijsen (MEP).

Pero lo mas importante tabata e derecho pa por dicidi
den propio cas kico ta pasa den cas den presente y futuro.
Segun Parlamentario mr. Juan Ady Thijsen cu
instrumentonan den man y desicionnan den man,
pais Aruba, por a desaroyo den un pais cu progreso y
democracia. Sinembargo awor na 2015 nos ta bek n’e
situacionan unda ya desicionan no ta den nos propio
man. Aruba ta enfrentando problemanan grandi no
solamente financiero, pero tambe economico, social,
hudicial, di salubridad publico y enseñanza.
Tur ta aereanan cu ta exigi atencion urgente.

Sinembargo tur solucion ta mara n’e aspecto financiero.
Manera conoci cu e protocol di 2 di mei 2015 y e
introducion di e ley di CAFT, awor decicionnan pa cu
aspectonan financiero ya no ta den nos man.
Gobierno di Aruba a entrega nos autonomia financiero
na Hulanda, segun Ady Thijsen. Esey tin como
consecuencia cu si Aruba ta desea di soluciona su
problemanan e tin cu haya su voz bek den cas.
Pa drecha finanza, nos mes mester por dicidi kico pa
haci cu finanza. Pa drecha economia nos mes mester
por dicidi kico pa haci cu economia,
Pa drecha enseñanza nos mes mester por dicidi kico pa
haci cu enseñanza. Esaki ta conta tambe pa problemanan
social, hudicial y di salubridad publico.

P’e motibo aki, di acuerdo cu e miembro di MEP, lo
mester re-establece bek autonomia di Aruba den su
estado original na 1986. Segun Parlamentario mr.
Juan Ady Thijsen partido MEP a cuminsa e proceso di
re-establisacion di nos autonomia tanto na Nacionan
Uni, Coppal y Parlatino. Ta pidi pueblo keda alerta pa
tur paso cu lo sigi den e proceso di re-estabilisacion di
nos autonomia.