Page 20 - FDLP

Un di e teamnan grandi den e competencia di Go Kart na Villavicencia ta Hermanos Rios

Team (HRT) encabesa pa e lider Carlos Rios. E competencianan aki a wordo organisa pa

dianan 25 y 26 di januari, 2020.HRT ta un team hopi poderoso den talento y ta busca e

coredonan mas prometedor pa forma parti di e ekipo Colombiano.

Carlos Rios a bisa cu nan kier aporta cu e miho talentonan den e competencianan den

cual nan ta participa den dje. Asina aña pasa nan a logra haya titulo campeon den

categoria Junior, Subcampeon den Micro y di tres luga den categoria Senior. Tur esaki

den e Panamericano 2019. E aña’ki nan kier logra miho resultado y a bin ta preparando

nan mes intensamente. Aña pasa nan tabatin hopi resultado positivo na Ecuador, unda cu

a bay cu diferente titulo y otro puestonan halto.

E ta duro pa traha pa logra e mihonan den e team HRT, pasobra mester percura cu e

pilotonan ta sinti nan mes bon den e team. E ta un preparacion largo, mester percura cu e

miembronan di e team tin e materialnan necesario pa representa nan marca debidamente.

Nan tin plannan grandi, entre otro nan tin pensa pa competi otro aña den un careda grandi

na Italia. Pa esaki ta bay cu 2 pa 3 piloto, y tur e competencianan cu tin prome lo ta un

bon preparacion, acumulando experencia den e parti tecnico y deportivo.

Esnan cu ta forma parti ta di e team, ta wordo analisa a base di actuacion y e pilotonan

semper mester duna 100% di nan mes y sinti nan mes comodo den e ekipo.