Page 20 - MERVIN W. RAS FLIP 23 SEPT 2017
P. 20
4 2 Edition AWEMainta Diabierna, 22 September 2017
nd
Holmo Henriquez di MAS ta kere cu
Awe lo ta un dia yen di sopresa,
pasobra pueblo ta cansa di esun y e otro
HOLMO Henriquez, lider di partido MAS a presenta
mainta na Centro di Bario Noord p’e por deposita su voto.
“Awe ta un dia hopi importante, importante pa pueblo su
futuro pasobra e ta determinante. Nos tin problemanan
structural, operacional, di maneho di Gobierno cu ya pa
decadanan ta bayendo fout. Pesey ta responsabilidad di
nos tur pa nos deposita nos voto pa un cambio sincero y
berdadero”, segun Holmo Henriquez.
Si nos kier un cambio sincero, nos no por bay bek na esnan
cu a forma parti di e problema. Esnan cu a forma parti di
e problema nunca por ta parti di e solucion. Pesey MAS a
ser funda, pasobra nan ta sinti y conbibi e mesun dolornan
cu e pueblo a conbibi pa añanan caba.
Holmo Henriquez ta kere den un balanse den Gobierno. Con
cu bay pone, sea ta un Gobierno so of un coalicion, mester
tin separacion di poder pa por sirbi nos pueblo.
Lider di MAS ta kere cu eleccion di awe lo trece
hopi sorpresa pasobra pueblo ta cansa. MAS a cam-
paña pa haya maximo asiento, pero ta pueblo tin
esaki den su man, depositando su voto den MAS.
Riba e pregunta si MAS ta habri pa traha cu otro partidonan,
semper interes di e pueblo ta na prome lugar, nada otro.
