Page 21 - AVP

Citgo ta un compania cu a establece na Merca, aunke cu base na Venezuela (PDVSA).
Venezuela ta un pais rico na locual ta petroleo, pero cu tempo tambe ta wak e
decadencia pa locual ta nan propio produccion. Pero mas leu por a mira e sancionnan
mericano cu a bin y cu a trece cune cu e proyecto no ta realiza, e mandatario a splica.

Tabata tin un contract y clausulanan mara cu no por a kibra zomaar, apesar cu tabata
tin mas companianan interesa, a remarca. Kiermen, tabata un caminda pa cana.

Awor ta asina leu y diasabra pasa, Citgo a entrega e yabi. Pais Aruba ainda tin algun
cos cu mester bay regla pa por haya bek e disponibilidad di e refineria y hunto cune e
parti di e terminal.

Pa e mandatario esaki ta un paso importante y cualkier gobierno lo mester a yega na
un momento unda ta tuma e pasonan aki.

Awor ta keda pa dicidi kico ta bay sosode. Pero ta facil pa bisa pa bay over na un

desaroyo totalmente nobo y tin algun plannan ariba e parti aki. Sinembargo, tambe tin
cu wak e realidad manera cu e ta aworaki, a remarca.

Aruba tin un pilar economico cual ta e sector turistico cual ta bayendo bon. Di otro

banda kier otro pilarnan tambe y pesey tambe a traha riba locual ta e 6 sectornan
prometedor di pais Aruba cual a stipula hunto cu stakeholders y cada un ta trahando
ariba dje, a señala.

Esaki ta algo cu no ta di awe pa mañan nan ta wordo realiza y tin cu traha riba e parti
akinan. Na e momentonan aki ta wardando pa por haya un otro operador di e refineria.

E refineria manera cu e ta el a bay atras y esey ta trece su retonan cune. Tin algun

factor aworaki cu gobierno lo trece dilanti riba kico tur ta bay pasa.

E prome paso a wordo tuma caba cual ta haya e control bek di e refineria y mira cual ta
bay bira e siguiente pasonan. E paso importante a wordo duna diasabra, Maduro a duna

di conoce.