Page 18 - MIN TTC 2 MARCH 2016

personal di Algemene Rekenkamer ta na punta final di e parkeerzone, na rand di Lagoen
(ex-Valero). Esaki no ta den cercania di nan lugar di trabou.

PERSONAL TA BOGA PA UN SOLUCION

Personal di Algemene Rekenkamer un biaha mas kier a manda un suplica na e
Ministernan concerni, como tambe na Parlamento di Aruba, pa yuda nan haya un
solucion structural mas pronto cu ta posibel pa asina nan por eherce nan trabounan na un
manera eficiente. Personal di Algemene Rekenkamer ta ripiti cu nan ta dispuesto pa paga
y tambe cana pa por tin acceso na nan vehiculo, tanten cu ta trata di un lugar den cercania
y sigur. No obstante cu secretariado di Algemene Rekenkamer tin falta di personal, ta
aspira pa ehecuta nan tareanan mas eficiente posibel. E personal existente kier enfoca cu
mirando e hecho cu nan mester uza nan propio vehiculo, ta e deber di un bon dunador di
trabou pa percura pa un lugar di parkeer den cercania pa staciona esaki. Nan kier evita cu
lo mester bai den protesta pa algo basico manera esaki. E potret principal ta di e forma
con e lugar di parkeer a keda awor, y e otro ta e forma con e tabata.

http://www.noticiacla.com/news/5190