Page 51 - KPA OCT 2, 2015

Polisnan den accion pa scapa un Bus di kima
Publication: Friday, 2 October 2015. Categoria: Policial

ORANJESTAD(AAN): Polisnan a bati alarma pidiendo presencia di bomberonan cu urgencia
pabou di warda di Polis na Playa. Esaki tabata pa motibo cu un bus di Arubus B-59 a pega
candela net dilanti di Warda di Polis na Oranjestad.
Tabata 3:45 pm, ora cu alarma a bati. E agentenan policial na warda di playa a sali na careda cu
aparato di paga candela den man pa yuda paga e candela cu a sali for di e tirenan parti patras.
Mesora e chauffeur di e bus a para e bus den Kruisweg, net pariba di ex- Cuba’s Cookin’ y saca
tur e 7 pasaheronan cu e tabata transportando pa nan seguridad.
Polis a domina e candela masha liher prome cu el a expande. Esey ta debi cu e agentenan a usa e
Fire Extinguisher como debe ser, pues pa dirigi esaki na e fuente di candela.
Tog Brandweer a yega na e lugar un par minuut despues pa asina tira un control riba e tirenan.
Ta wordo menciona cu e calor y cayente a causa cu e wiel a pega candela na e parti paden, pero
tog ta experto tin di bay confirma esey.
http://www.diario.aw/2015/10/polisnan-den-accion-pa-scapa-un-bus-di-kima/