Page 18 - KPA 29JAN,2016

AWEMainta Diabierna, 29 Januari 2016 13

Pa evita mas vandalismo cu monumento
historico di Aruba na Bushiribana

A dicidi di pone un borchi
pa avisa turistanan, cu ta
prohibi pa susha Bushiribana

RUINANAN di Bushiribana ta wordo bishita

diariamente pa un cantidad grandi di turista. E
ruinanan aki tin su historia como parti di Aruba.
Aunke ainda e no ta cay bou monumento pro-
tehi, ta trahando aworaki cu Monumenten Buro
p’e bira un di e monumentonan protehi.

Manera por corda dia 25 di december
2015, Polis a bay eynan ora a drenta
yamada cu tin turista ta sushando
murayanan di e ruina Mesora Polis
a yega eynan y a topa cu un grupo
di turista. A splica nan cu loke
nan ta haci ta prohibi y cu tin
castigo di e.o. di prison.
Nan no tabata sa esey
Nan a haci tur cos limpi
y Polis di Santa Cruz a
bay.

Polis Juan Carlos Wer-
net kende a bay n’e sitio
no a laga e cos asina. El
a dicidi cu mester traha
riba un forma p’asina tur
bishitante sa di e protec-
cion cu mester tey na Ru-
inanan di Bushiribana. A
bay Parke Arikok cu no a
duda ningun momento.
Asina Parke Arikok, Monu-
menten Buro y Polis a
traha riba loke ta bay bira
e indicacion cu mester tey.
Ayera mainta tur tabata
hunto n’e sitio y asina a
instala un borchi den dos
idioma. Awor tur local y
turista sa cu no mag di
causa daño na nos ru-
inanan na Bushiribana,
pasobra ta un localidad
protehi. Operadornan
di tour cu tabata pasa a
aplaudi loke a wordo haci.
Nan a bisa cu porfin esaki
a bin. Awor na yegada
acercando e Ruinanan bo
ta topa e borchi poni.