Page 33 - KPA_Neat
P. 33
6 AWEMainta Diasabra, 9 September 2017
Atraco riba un empleado di West-Deck
Foto Cortesia Arubanative.com
TABATA diahuebs anochi den careda di 10’or un
empleado di e restaurant West Deck a bira victima
di un atraco arma mas.
Segun informacion tabata den careda di 10:24, Polis
ta wordo manda na Lagoenweg, caminda un persona
lo a wordo atraca.
Segun e persona, cu aparentemente ta un empleado
di e restaurant menciona ariba, a drop off e benta di
dia na nan main office.
Segun e ta conta Polis dos persona a presenta y cu lo
a papia Spaño cune, lo a atrake. Un di nan lo tabata
cara full tapa. Segun vocero policial sr. Lito Laclé, un
di nan tabatin e arma di candela cune.
N’e sitio, nos a compronde cu nan a bay cu e benta
di dia, cu ta como 1200 dollar.
Mester remarca cu e area caminda e empleado lo tin
di entrega e placa probablemente tur anochi, ta scur
y hopi keto mes eybanda. Pues lo ta bon pa gerencia
di e restaurant, pensa un otro opcion pa den futuro.
Team di Atraco a wordo informa di e atraco arma aki.
Vocero di Polis, Lito Lacle ta pidi cualkier persona
cu por tin cualkier informacion por yama e tiplijn
11141 di Polis pa hunto yuda soliciona e caso aki.
