Page 9 - WEB
P. 9
ORANJESTAD (AAN) — Segun un comunicado di Ppa ricibi di nan secretario general Sr.
Benny Nisbet, PPA ta e unico organisacion politico cu a cuestiona un acuerdo entre
Aruba cu CITGO/PDVSA severamente !!
Na prome lugar ora nos a splica cu locual ta bai worde habri lo NO ta un refineria pero
un Upgrader……hopi tabata e gritonan encontra di nos ponencia….cu PPA/Benny Nisbet
simpelmente NO sa unda su cara ta para. Cu tempo silenciosamente hopi pa no bisa tur
a accepta cu PPA/Benny Nisbet tabata tin razon !!
Pero PPA a bay mas leeuw splicando cu un Upgrader ta hopi otro cu un refineria !! Un
refineria ta produci producto for di crudo …un Upgrader ta upgrade p.e. lodo pisa cu
no ta ‘vloeibaar’ y haci’e ‘vloeibaar’. Un refineria ta laga 5% di waste un Upgrader ta
laga 30% di waste y consecuentemente hopi mas malesa !!
PPA tambe a mustra riba e crisis financiero cu PDVSA doño di Citgo Petroleum lo ta den
…..pero NI gabinete Mike Eman (AVP) Ni e oposicion oficial di Aruba e tempo ey esta
MEP NO a preocupa 19 for di 21 miembro di parlamento di Aruba a vota pa Aruba
firma e acuerdo cu e tempo ey masha poco di su contenido tabata conoci.
Direpiente Gobierno di Aruba a biaha pa Venezuela unda dilanti di Presidente N.
Maduro y representacion di PDVSA Gobierno di Aruba a firma E ACUERDO official cu
CITGO Aruba NV, CITGO ARUBA Holding y REFINERIA DI ARUBA tur esaki na 2016.
Hincando Aruba oficialmente den locual lo bira e ‘aventura’ di mas cruel cu Aruba lo
pasa den pa e proximo 15 pa 25 anja.
Tambe ta vale la pena pa recorda cu dia cu PDVSA/CITGO HOLDING, CITGO ARUBA Y
REFINERIA DI ARUBA a firma na Venezuela, CITGO PETROLEUM na Houston Merca a
pone un declaracion riba su webpage splicando cu nan NO ta inversionista den e
acuerdo aki…… nan ta solamente un consultant operacional/tecnico.
Mientras tanto nos ta 2 aña mas leu, Aruba tin un gobierno nobo cu ta forma
grandemente pa e oposicion official di MEP cu tambe a vota PRO y hasta a pretende cu
ta nan a logra cu Venezuela/PDVSA tabata dispuesto di firma cu Aruba.
