Page 12 - DIGICEL

18 AWEMainta Diabierna, 27 October 2017

SETAR ta lansa canalnan

di radio riba Cable Digital

DURANTE un anochi ameno na Oxygen Lounge,
SETAR a lansa e servicio di stacionnan di radio riba
Cable Digital.
Presente n’e ocasion tabata gerencia di e radio
stacionnan, gerencia di SETAR y e team cu a traha
pa logra esaki.

Mayoria di e radionan di Aruba a registra pa nan
canal di audio riba Cable Digital.
Di awor caba, clientenan di Cable Digital, dus cu
tin un box di Cable pega na nan TV, por sintonisa e
stacionnan riba canal 430 bay ariba.

Tin biaha bo ta tende cu hende no tin radio mas na
cas y ta na trabou of den nan auto nan ta sintonisa
e radionan di Aruba.
Cu e servicio aki, SETAR ta haci posibel cu clientenan
por scucha programanan di pasco, noticia di merdia,
boletin extra, y mas riba nan propio canal, pues un
manera nobo di scucha radio.

Pa mas informacion por tuma contacto cu SETAR na
525-1700 of bishita www.setar.aw.

Riba e potretnan por mira momento cu a lansa e
canalnan di radio riba Cable Digital.