Page 14 - FDLP
P. 14
Diaranson, 18 Juli 2018 AWEMainta 27
Deporte
Tenistanan Kayla Solagnier, Frederick
Sydow y Alexson Hessels lo competi den e ITF G4
Copa Merengue na Republica Dominicana
DESPUES cu algun siman pasa nos tenistanan
a participa na algun torneo internacional na Ba-
hamas, Merca y den e TIHTA na Aruba unda a
duna bon bataya n’esnan di exterior den nivel di
torneo halto, awor otro compromiso ta warda nan
na Republica Dominicana unda lo enfrenta e mi-
hor tenistanan prospecto rond mundo.
Mester bisa cu e torneo Copa Merengue ta uno
hopi popular caminda tenistanan hubenil for di
tur parti di mundo ta bin participa.
Nos tenistanan di Aruba mes tin varios aña ta
competi den e torneo aki. Mas cu 64 tenista mas-
culino y femenino lo competi e aña aki p’e premio
maximo y mas cu claro p’e sistema di puntuacion
di ITF.
Den e di dos rond nos tenista femenino Kayla So-
lagnier lo enfrenta e oponente De Mata di USA.
Den e di dos rond Alexson Hessels lo enfrenta e
ganador di e wega entre Anthony (Inglatera) of
De Sousa (Rep.Dominicana), mientras Frederick
Sydow lo enfrenta e ganador di Cimino (Francia)
of Ledesma (Rep. Dominicana).
E tenistanan tur lo ta bou guia di coach di tennis
di ALTB, Jonathan Goitia.
Recientemente e tenista Alexson Hessels a logra
triunfa den un torneo di tennis USGA na Merca y
ta den gran forma p’e torneo aki. Mescos ta conta
tambe pa Kayla Solagnier cu algun siman atras a
competi na Bahamas ganando un wega y perde
uno. E tenista Frederick Sydow mas cu claro ta
uno experencia ya cu aña pasa el a competi den
e Weganan Suramericano Hubenil na Santiago,
Chile.
Stichting Sportsubsidie Aruba a yuda subsidia e
biahe di e tenistanan Kayla Solagnier, Frederick
Sydow y Alexson Hessels p’e competencia ITF G4
Copa Merengue na Republica Dominicana.
