Page 12 - AM221026
P. 12
AWEMainta Diaranson, 26 October 2022
E bon vibra di Burna
Boy a yega Aruba!
Interes grandi pa e concierto di Burna Boy na Corsou
Mientras e dianan ta acercando, preparacionnan ta intensiva pa nos bay topa dia 28 di october fecha
riba cual e magno concierto di Burna Boy ta tuma luga na Corsou. E bon vibra di Burna Boy a yega
Aruba! Den noticianan mas recien ta raporta cu Curaçao Festival Center (CFC) a ricibi un ‘face lift’ di
manera cu tur bishitante por sinti nan mes great diabierna anochi. E cantante Nigeriano Burna Boy,
ganado di Grammy ta den top di popularidad, sigur despues di su ultimo album titula “LOVE, DAMINI”.
Damini Ebunoluwa Ogulu, Burna Boy, a caba di finalisa un tour sumamente exitoso na Merca. Despues
di a tour ciudadnan manera Detroit, Atlanta, Minneapolis, Houston, Boston y mas den juli ultimo, BURNA
BOY lo ta cu su banda na Corsow!
Sun Splash, un organisacion cu ta produci diferente festival na Hulanda ta forma ekipo cu un team local
pa presenta BURNA BOY na Corsou. Massive Productions cu sosten di Elite Productions di Aruba a
keda apunta y encarga cu zonido, escenario, luz y produccion den Curacao Festival Center na unda
BURNA BOY lo presenta dia 28 di october proximo cantando tur su exitonan y cu su banda completo
manera el a haci recien na Madison Square Garden, NY! Pa esnan cu ta desea di bishita Corsou, por
cumpra nan entrada adelanta via di caribbeanticketshop.com. Por a tuma nota cu mayoria aerolinea a
habri vuelo extra pa bay Corsou, tumando nota di e interes grandi di Aruba pa cu e concierto.
Ambiente lo forma den seccion general:
E seccion general, lo ta yen di ambiente y esey por conclui na e benta di entrada cu ta solamente 100
florin. Tur atencion ta riba e area general; mundialmente esaki ta e seccion na unda cu e ambiente ta
concentra. E pre-show ta completo! Entre FMG, B’JAY cu su live band, MC Chris Strick, MC Don T, Dj
Krokzz, Dj Fab y Dj Lambo lo forma e ambiente pa ora Burna Boy subi escenario. Ta pidi pa tur hende
tuma nota cu ta importante pa for di 6’or cuminsa forma rij di entrada. Portanan lo habri 7’or di anochi
y lo cuminsa mesora cu e line-up, un tras di otro. SUN SPLASH, Key Caribe y Unique Productions ta
invita Aruba pa e concierto di BURNA BOY cu su banda na Corsou!
12
