Page 20 - AM221026
P. 20
Comunidad AWEMainta Diaranson, 26 October 2022
Jump18 lo forma parti di Diabetes Run & Walk 2022
ump18 lo forma parti di e di 5 edicion di Diabetes Run &
J Walk 2022 riba diadomingo, 13 di november, cuminsan-
do na Botica di Servicio Eagle. Hunto cu nan muchanan, e
organisacion di Jump18 lo ta presente pa core pa e causa di
trece miho cuido y maneho di diabetes.
Aruba Aloe y Botica di Servicio, hunto cu Subway, a extende
e invitacion na organisacion Jump18 pa participa hunto cu
nan muchanan den e di 5 Diabetes Run & Walk 2022. Ademas,
e muchanan cu a inscribi a participa pa e chens di gana un di
e premionan di e Early Bird Special cu a wordo organisa pa e
Diabetes Run & Walk durante e luna di september.
Danki na esaki, un di e muchanan di Jump18 a bira un di e
feliz ganadonan di e Early Bird Special cu a wordo organisa
pa e Diabetes Run & Walk durante e luna di september.
Jump18 ta enfoca riba capacita muchanan y nan mayornan
pa un miho salud y bienestar y asina disminui e incidencia di
obesidad infantil na Aruba y mehora e bienestar general di
muchanan na Aruba te cu e edad di diesocho aña. e organ-
isacion su meta ta pa garantisa e bienestar saludabel di
muchanan na Aruba pa medio di reduci e carga di enferme-
dadnan asocia cu obesidad infantil.
E meta di e Diabetes Run & Walk e aña aki ta pa por recauda
fondo pa yuda preveni diabetes tipo 2 a traves di e programa
di PRISMA Prevencion cu Fundacion Diabetes Aruba ta bay
provee.
Aña pasa, e Diabetes Run & Walk a recauda un total di AFL.
10.000 den fondonan e cualnan a wordo duna na Fundacion
Diabetes Aruba pa nan programa di PRISMA Diabetes.
PRISMA Diabetes ta un programa, en special pa personanan
cu diabetes tipo 2 cu kier tuma control di nan salud, crea un
miho maneho di nan diabetes y preveni cualkier otro compli-
cacion di salud. Esaki ta haci posibel pa participantenan di
e workshop haya mas conocemento necesario pa maneha
diabetes tipo 2.
Participantenan por registra via www.diabetesrunaruba.
com y ora di registra, e participante lo ricibi un dri-fit shirt y
tambe un medaya na final di e run. Riba e website tambe por
wak e resultado di aña pasa cu tur e ganadonan den cada
categoria.
20
