Page 33 - MIN TTC 1 DEC 2015
P. 33
22 AWEMainta Diamars, 1 December 2015
Minister Paul Croes
ta apoya iniciativa
di residentenan
Venezolano
pa aporta na
comunidad
DEN fin di siman miembronan di PANA, un fundacion nobo na Aruba,
a subi caya den un accion pa duna un man na varios organisacion den
nos comunidad. E fundacion consistiendo di residentenan Venezolano,
a acerca Ministerio di Asunto Social pa haya ayudo den forma di infor-
macion riba cua t’e instancianan cu mester di ayudo.
Minister Paul Croes y su personal cu hopi placer a duna man y riba e
prome dia di entreganan, e mandatario a bay personalmente pa demostra
su apoyo y tambe compaña nan n’e lugarnan cu a bishita.
Den nomber di su Ministerio, di Gobierno y pueblo di Aruba, Minister
Paul Croes a gradici e lider y boluntarionan di PANA p’e gesto cu nan
a realisa.
E mandatario a pone enfasis riba un historia largo di lazonan amistoso
entre ambos pais. Apesar di e circumstancianan social y economico
dificil, Venezolanonan di bon boluntad semper ta y lo keda bon bini na
Aruba.
PANA a colecta un cantidad grandi di paña nobo y uza, sapato, pampers,
cuminda y te hasta articulonan deportivo pa reparti na 5 instancia local.
Entre diasabra y diadomingo, a bishita Imeldahof, Casa Cuna, Casibari
Scouting, Centro Ortopedagogico, y tambe famianan na Savaneta.
Tur esaki a bay den bachi di “Sinterklaas Riba Caya” cual ta un version
di un actividad masha conoci na Venezuela y cu ta wordo
ripiti na 10 otro pais rond mundo.
Boluntarionan a bisti na Sinterklaas y Zwarte Piet y
asina a trece alegria pa tur e muchanan di e lugar-
nan menciona. Tambe a percura p’e muchanan a
haya algo dushi y sano pa come y bebe, ademas
di mangel y te hasta alegria di musica cu
canto di canticanan tradicional di Pasco.
Minister Croes ta contento di tende cu
e fundacion tin plannan concreto caba
pa realisa otro actividadnan na nos
isla, incluyendo e formacion di mae-
stronan di musica pa crea centronan
caminda muchanan por siña toca y te
hasta yega na forma orkestanan.
Minister Paul Croes ta felicita PANA cu
e tremendo actividad di “Sinterklaas
Riba Caya” y ta desea nan hopi exito
den futuro.
