Page 13 - AHATA

30 COMUNIDAD AWEMainta Diasabra, 19 Juli 2025

Bou liderazgo di Minister Cicilia

Aruba ta surpasa expectativa turistico pa luna di juni

MINISTER di Turismo, Transporte y Labor, mr. Wendrick
Cicilia cu satisfaccion ta anuncia cu turismo di Aruba a
conoce un crecemento di 3.1% pa e luna di juni y di 3.3%

pa loke ta trata e periodo di januari pa juni, superando e
proyeccion inicial di 1% pa e aña aki. Segun Minister Cicilia,
e resultado aki ta confirma: “E strategia di diversificacion
di mercado pa mantene nos pilar economico principal ta

dunando resultado concreto.”

Diversificacion strategico: un prioridad nacional!
Minister Cicilia a destaca cu luna di juni e mercado Mericano

a mantene stabiel. Aruba a adopta un enfoke proactivo pa
fortalece su presencia den e demas mercadonan. Durante
juni 2025, Canada a crece cu un 37.8%, Latino America cu
12.9% y Europa cu 5.1%.

“E situacion economico global ta exigi preparacion, vision y
adaptacion. Nos compromiso cu diversificacion di mercado
no solamente ta exitoso, pero e ta posiciona nos miho awe

pa enfrenta e retonan den futuro”, asina Minister Wendrick
Cicilia a expresa.

Estadia, conexion y capacidad di aeropuerto

E crecemento turistico ta refleha tambe den e sector di
estadia, caminda ta wak cu estadia na e hotelnan a crece cu
7.3%, mientras cu e hotelnan ‘All-Inclusive’ y ‘Time Share’ a
baha entre 4 pa 5%. E grupo cu ta cay bou di “otro” estadia Tambe por mira cu e grado di ocupacion di “vacation

cual ta inclui ‘vacation rentals’, ‘condomiums’ y otro acomo- rentals” pa luna di juni 2025, tabata na 55%, reflehando un
dacion manera cas di famia y amistad a crece cu 11.3%. subida, mientras cu AHATA ta informa un ocupacion di 72%
presentando un caida. Den comparacion cu aña 2024, Aruba
ta conta cu un crecemento substancial di 900 camber nobo

di hotel, afectando e ocupacion di e industria. Ta importante
pa tene na cuenta cu e crecemento aki ta enfrenta retonan
relaciona cu e capacidad di aeropuerto, cu actualmente ta
limita expansion pa varios aerolinea Mericano.

Frente e situacion aki, Minister Cicilia a reafirma cu ta trah-
ando cu ATA y AAA pa mas flexibilidad y tambe pa fortalece
e conexion desde e mercadonan di Latino America, Europa y

Canada, dunando prioridad na frecuencianan nobo y orari-
onan cu ta ahusta na e posibilidadnan di nos isla.

“Nos meta no ta pa djis atrae mas bishitante pa nos isla,

sino pa haci’e di un manera cu ta balansa y ta beneficia nos
hendenan tambe. E calidad di bida di nos Rubianonan y e
experiencia di e bishitante mester bay man den man. Nos ta
traha pa Aruba sigui ta un destinacion lider, pero tambe un

hogar digno y balansa pa tur esnan cu ta biba aki”, Minister
Cicilia a finalisa bisando.