Page 35 - ATA

cu e entidad aki a wordo independisa na 2011, e departamento di Turismo Crucero, cu ta cay bou di
Gobierno, a bay resorta bou di APA.

Debi na e cambio aki, ATA a bin ta trahando estrechamento cu APA y cu Ministerio di Turismo. A

traha un comision di Turismo Crucero den cual comision ta discuti tur tema di e sector aki, ta delinea
strategia y metanan cu kier cumpli cune.

E ehecutivo a splica cu e hecho cu ta organisando pa di tres aña caba e simposio di crucero ta ilustra

e importancia cu ATA y Gobierno ta duna na turismo crucero. “Nos ta reconoce di forma aki cu e ta
un industria di diferente dinamica, cu no necesariamente ta similar na esun di turismo hotelero. Bo
tin cu duna turismo crucero su atencion separa, considerando e retonan y desaroyonan den e
industria.” Durante e simposio ATA a comparti cu e participantenan,loke ta pronostico y

proyeccionnan pa cu e mundo crucero. Loke ta un hecho ta cu aña 2017 a demostra caba di ta un aña
hopi fuerte. “Nos ta spera di cera aña cu un aumento di 16% den e cantidad di pasaheronan crucero

cu ta bishita Aruba. Pero mas importante ta cu nos ta pronostica cu e lo ta un aña unda cu e impacto
economico, loke e bishitantenan aki ta gasta basta riba encuestanan haci, lo yega riba 85 miyon
dollar. Esaki lo ta 21% mas di loke e cifranan di 2016 ta mustra di a genera.”

Pa loke ta 2018, e cifranan ta mustra cu por premira un crecemento di mas cu 7 porciento, pero ya

caba ta hayando barco extra, como resultado di cambio di destinacion door di horcan, y cu ta nifica
cu Aruba ta bay haya 15 barco adicional. Esaki por nifica cu den 2018 Aruba lo por yega na ricibi

casi 850 mil pasahero y mas importante ta cu mayoria di e bishitanan adicional ta cay den temporada
abou.

Meta di ATA, el a splica, ta pa fiha riba cantidad di bishitantenan cu lo tin su impacto economico,
pero tambe stimula yegada di barconan den temporadanan abou y pa tambe nan keda mas tempo den

waf, cual ta nifica cu mas placa por keda atras den economia. Pero banda di esaki tambe ta traha riba
aliansanan strategico, unda cu ta trece un diversificacion den e tipo di bishitante, y e tipo di mercado

cu ta trata di atrae. Den tur esaki den e promocionnan ta trata semper di ilustra loke ta haci Aruba
mas autentico y diferente. No mester copia ni mas di loke tin aworaki y evita e ambiente Mericano.
Pesey ta traha pa logra hinca cultura mas den turismo pero tambe arte. Na final kico e bishitantenan
ta desea ta wordo midi den e satisfaccion di cada bishitante na final y esaki, el a bisa, ta hopi positivo

pa Aruba te awor. Pesey e ta haya cu mester sigui innova den e producto cu ta ofrece na nos
bishitantenan.