Page 51 - MIN JUS SEPT 22, 2015
P. 51
Semper Hulanda a carga responsabilidad cu asuntonan di
Reino
Publication: Tuesday, 22 September 2015. Categoria: General
ORANJESTAD (AAN) – Den conferencia di
prensa semanal di Gobierno a menciona cu Hulanda semper a carga e responsabilidad encuanto e
asuntonan di Reino, y tambe den pasado a mustra esaki.
Den pasado tabata tin discusionnan hopi profundo, pa locual ta trata e prison di Aruba y esun di
Curacao, tempo cu sr. Hirsch Ballin tabata Minister di Husticia.
E tempo ey, pa medio di Gobernador a introduci un estructura, unda a tene un tipo di toezicht
riba e funcionamento di e prisionnan di Aruba, Curacao y Sint Maarten, y raporta na Gobierno di
Reino.
“Pero alavez, asumiendo e responsabilidad cu Raad van Staten ta reconoce tambe, tin cu haci
esaki dentro di e posibilidadnan di e pais, y a manda e tempo aya un cantidad di sosten, pa yuda
Curacao su presion cu personal y experticia na e nivel di mas halto y nivel operacional, pa asina
garantiza cu, conhuntamente, ta contribui na mantene e responsabilidad den Reino”, Minister
Dowers a indica.
El a señala cu e tin e responsabilidad aki, pero esaki ta yega unicamente na instrui pa forza bo pa
haci algo cu bo sa cu hasta bo no por a haci.
“Esaki ta un cambio den con nos atende cu otro den Reino, na e momento aki, of e gobierno aki
tempo di Hirsch Ballin, y mi ta kere esaki ta pidi un reflexion tog profundo, den e Gobierno di
Reino”, Minister Dowers a menciona.
E dignatario a agrega cu si nos tene cuenta cu tin momento unda cu Hulanda a bin cu un menaza
pa loke ta trata asunto di passport, tempo cu hendenan tabata yega facil na un passport Hulandes,
y e gobierno e tempo ey a tuma cierto pasonan y tabata tin cambio hasta di Minister pa preveni
cu Hulanda lo no a tuma e tempo ey pa cana e caminda corecto, cu no tabata hustifica si
berdaderamente e asunto di passport tabata wordo duna mucho facil na hendenan sin cu a cana e
procedimento stipula pa Reino.
