Page 5 - UTILITIES JUNE 11

Boekhoudt, director di WEB Aruba N.V. for di trabou. E motibo ta cu no tin confiansa mas den su
maneho. Argumentonan cu a tende den gangnan di WEB tin di haber cu e forma cu a aplica "hedging"
y otro decisionnan robes cu a tuma, costando e compania hopi placa.

Cu si e decision lo keda mara unicamente na e director di WEB so no ta conoci. Esaki pasobra mayoria
di e decisionnan tin di haber cu e maneho financiero di e compania, pues no sa kico lo sosode cu e
director financiero y su ehecutivonan.

Ing. Osling Boekhoudt tabata trahando na Valero ora cu el a haya oferta pa tuma maneho di WEB
over. E ta haciendo esaki pa algun aña caba. Ultimo tempo sinembargo el a confronta varios reto den e
compania. No solamente e "Hedging" di prijs di combustibel a sali den desbentaha di clientenan, pero
tambe henter e planta di awa y di coriente a pasa den hopi reto, parti di nan ta debi na mal decision
tuma na nivel di gerencia.

WEB a bin confronta su mes den un problema financiero serio, te cu banconan a nenga di haci fiansa
debi na e cifranan negativo di nos compania nacional di awa y coriente. Varios contratista eyden
mester a manda trahado cas, otronan ta paga nan trahadonan laat, precisamente pa motibo cu WEB
no tabata pagando na tempo, manera a custuma.

Na Utilities Aruba N.V., doño di WEB no tin mucho informacion. E director eynan, drs. Frank
Hoevertsz ta cu un biaha di trabou pa dos siman.

Nos a haya confirmacion cu awe mainta ing. Oslin Boekhoudt a bandona su oficina y a laga sa cu e lo
no regresa mas. Awe tardi ainda lo comunica e trahadonan e decision di Gobierno/Utilities Aruba
N.V. cu ta encera cu ta manda e director cas. Cu esey lo nifica caso legal den Corte no ta conoci ainda.
Pa awor, Luis Oduber a keda den funcion di director interino di WEB Aruba N.V.

Fuentenan yega na e decision a sigura nos cu ta evaluando un sucesor den e compania mes.

Mustra/Kita comentarionan

Y e otronan??

June 11, 2015 201.229.52.175

Ok, un cabez a cai, y e otronan?? Bo no por bisami cu e otronan NO TAWATA SA!? Entre
otro e propio minister De Meza, y Franklin Hoevertsz di UTILITIES? Y e hunta di comisario
di WEB COMPLETO??

Natalie Kock

June 11, 2015 201.229.98.50

Votes: +2Kiermin nan ta kere kitando e director for di web ta bay drecha e situacion? Cuanto mal e
gobierno aki a hasi cu placa di pueblo y ainda e ta goza di e posicion cu e tin? Hopii ta tira wowo riba
web, pesey tur e cos ki!! de Veer kizas lo por ta tras di dje? Mi kier sa nan kier wak aruba plaat!!!
Cuminsa cumpra bela shon nan!!!