Page 2 - AWMAINTA

2 AWEMainta Diaranson, 19 Juli 2017

Tore di lift a pega na candela, a causa cu alarma di candela a bay

TABATA den prome oranan di ayera mainta cu per-
sonal di Aruba Beach Club a cuminsa inmediatamente cu
evuacion di e turistanan, hospedando den dicho timeshare
hotel, mientras cu Centro di Alarma a ser notifica.
Mester bisa cu Cuerpo di Bombero a sa di mobilisa masha
rapido mes, evitando lo peor. Asina p.e. nos por a mira cu
for di Kazerne na Tanki Flip a sali un unidad, mientras cu
for di Aeropuerto e.o. a saca e Hoogwerker.

Unabes n’e sitio, a tuma nota cu personal di Seguridad di
ABC a yuda cu evacuacion di nan huespednan, kendenan
na final ta palabra di elogio so nan tabatin, mirando con
rapido e personal di Beach Club a traha.
A bin resulta cu e candela tabata den e tore, unda tin e
lift, cu ta motibo tambe cu te den top por a mira e candela
ta sali. Bomberonan cu hopi biaha ta tene nan simularco
n’e hotel aki, conoce e situacion, cu ta motibo cu for di
un principio a manda e Hoogwerker, cu sigur a yuda den
combatimento di e candela.

Na final por a constata cu ta daño material so tabatin. Ora
cos a normalisa, e hotel por sigui funciona. E area afecta a
wordo sera y ta keda n’e hotel mes pa tuma accion mesora
pa cuminsa restaura loke a bay perdi den e candela. Tin
tur indicacion cu causa di candela aki ta un kortsluiting.
(Foto cortesia Alex Ponson di Cool FM)