Page 16 - Min.TTC 14 March 2015

Diasabra 14 di Maart 2015 O nlin e awemainta.com

Dia 27 awor

Aruba lo
conoce su
Atleta di
Aña 2014

DESPUES di algun luna di preparacion intensivo, porfin
e dia ta spera a yega pa tur e atletanan nomina pa Premio
Excelencia den Deporte 2014.
E aña aki un bes mas, Ministerio di Deporte encabesa
pa Minister di Salubridad Publico y Deporte, dr. Alex
Schwengle y Lotto, e loteria di Aruba lo host e magno evento
cu lo tuma lugar diabierna 27 di maart den e ballroom di
Marriot Aruba Resort & Stellaris Casino.
Durante di e bunita anochi aki Aruba su mihor atletanan di
aña 2014 lo bin hunto y celebra e anochi di gala aki dedica
specialmente na nan.
E diferente nominadonan den cada categoria femenino
como masculino ta conoci mescos p’e categoria mas
importante di e anochi, esta Atleta di Aña 2014.
Tur invitado ta ser pidi pa ta 7or di anochi na ballroom di
Marriot Aruba Resort & Stellaris Casino, mientras e evento
mes ta programa pa cuminsa 8or exacto.
Aña pasa, e bolichera Kamilah Dammers di ARBAS a keda
como Aruba su Atleta di aña 2013. Tur hende ta ancioso pa
sa ta kende lo bira Aruba su atleta di aña 2014, mirando cu
e prestacion y reconocimento di e atletanan nomina ta di
nivel halto.
Un danki sigur na Lotto, e Loteria di Aruba pa medio di
Comision di Subsidio cu lo subsidia e evento di Gala Premio
Excelencia den Deporte 2014.

29