Page 65 - Min Vos 17SEPT,2015

20 AWEMainta Diahuebs, 17 September 2015

Dakota Baby y RCA
Baby ta fortalece
lasonan di amistad
riba veld

AUNKE e bataya tabata fuerte y e hungadonan a inverti tur nan energia

den e wega, e teamnan Dakota Baby y RCA Baby a cana baha di e veld na
Centro di Bario Dakota como amigo. E partido aki tabata apenas e prome di
hopi wega amistoso cu e teamnan lo organisa den e temporada 2015/2016
cu a caba di cuminsa algun siman pasa.
Bou di direccion di coach David Puriel e hungadonan di Dakota Baby a sa
di domina e wega, hincando e dos prome goalnan.
RCA Baby no a laga e situacion “pa loke e ta”, pero a sigui haci nan best y
asina a logra di hinca un goal prome cu e wega a caba.
E score final a keda 2-1, na fabor di SV Dakota.
SV Dakota tabata hopi exitoso den e diferente categorianan di futbol
durante di e temporada 2014/2015 y cu hopi bon energia a cuminsa e
trainingnan p’e temporada nobo.
E muchanan di e team categoria “Baby” ta trahando duro y cu hopi
entusiasmo. Nan trainingnan ta bayendo bon.
SV Dakota ta pidi pa mayornan sigui apoya e pasion pa futbol cu nan
yiunan tin ya for di hopi hoben ta gradici e pasenshi y esfuersonan di e
coachnan. E dedicacion di e adultonan cu ta forma parti di nan sistema di
apoyo ta hopi importante p’e muchanan sigui padilanti den e deporte cu
nan ta stima. Ban sigui apoya nos deportistanan.