Page 3 - AM210327

Diasabra, 27 Maart 2021 AWEMainta
Ley na estado Arizona contra abuso di menor
Tur caso contra mucha menor di
edad lo tin castigo di bida largo
Prome Minister Evelyn Wever Croes na inicio di su Go-
bierno na 2017, a sigura pueblo di Aruba cu den cues-
tion di dos luna, lo tin un concepto di ley nobo pa loke
ta casonan di abuso sexual contra muchanan, caminda
lo introduci ley nobo cu castigonan mas pisa p’esnan cu
comete abuso contra criaturanan inocente.
Riba Instragram e siman aki, e Republicano Leo Biasi-
ucci, a informa ciudadanonan di Arizona, cu e concepto
di ley cu el a presenta pa aprobacion na Congreso, a
wordo acepta y cu esaki lo drenta na vigor cu tin un
aceptacion masha grandi mes.
E ley di Biasiucci cu a wordo acepta cu 51 voto na fabor
y uno contra dor di Congreso di Arizona, ta mustra cu
esnan entre otro cu tur esnan cu haci nan mes culpabel
na crimen sexual contra mucha, manera trafico sexual,
pornografia infantil, sea produccion of distribucion di
esaki, lo ricibi un castigo di bida largo den prison.
Un castigo pisa pues caminda ta spera cu e lo wordo
adapta pa otro estadonan Mericano tambe pero cu
tambe ta un señal p’e situacion cu tin na Aruba, camin-
da Ministerio Publico tin un otro pensamento segun e
sistema Hulandes, pa loke t’esnan cu ta haci nan mes
culpabel n’e tipo di accion abusivo aki.
Gabinete Wever Croes a ricibi varios grupo di den co-
munidad pa atende cu e asunto delicado aki, pero no
a bin cambionan cu tur hende a spera cu lo a bin y
consecuentemente e preocupacion ta sigui grandi den
pueblo.
Republicano Biasiucci pa algun tempo tambe a bin ta
luchando p’esaki, e kier a mira cambio ya cu tur loke
a wordo purba caba no ta funcionando y ta spera cu e
cambio di ley aki, malhechornan na Arizona, lo wordo
forsa pa no comete e tipo di abusonan aki.
Den varios ciudad Mericano y tambe otro paisnan
manera na varios pais di Europa, un asina yama “child
molester’ ta wordo marca cu nan ta child molester y
unda cu nan bay biba, pa ley nan tin cu informa e bario
caminda nan ta residencia, cu e persona aki a wordo
condena pa abuso sexual contra muchanan.a
3
Ta lanta e pregunta si e tipo di ley aki lo por ta aplica-
bel aki na Aruba, pero sin duda e ta un mensahe bon
cla p’e tipo di hendenan aki, cu ta sigui mishi cu cria-
turanan inocente cu no por defende nan mes.
E cantidad di casonan di abuso sexual ta sigui halto na
Aruba y kisas un tipo di castigo manera esun aproba
n’e estado di Arizona, lo por percura pa reduccion gran-
di di e casonan aki.
Den e sitema hudicial di Aruba bida largo ta nifica un
castigo di 20 aña di prison maximo cu tambe ta un cas-
tigo hopi serio y pisa, pero pa un cambio di esaki, ta
rekeri un analisis, un investigacion riba diferente as-
pecto prome cu e wordo presenta den un concepto di ley
nobo.
Republicacno Biasiucci a ricibi masha elogio y sosten
p’e iniciativa aki cu en parti ta yuda hopi den e guera
contra abuso di mucha na Arizona y den proximo luna
y añanan, lo mira si e ley aki ta yega n’esnan cu haci
nan mes culpabel n’e tipo di abusonan aki.
E ley cu ta conoci como ‘Bill HB 2889’ ta sigura c’un
persona cu comete acto di abuso contra un mucha, lo
no tin opcion pa haya libertad condicional prome cu e
cumpli cu henter e periodo di castigo, cu tambe ta di 20
aña y tampoco lo ser permiti pa wordo permiti pa sali
bou libertad condicional pa bay traha, loke ta nifica cu
un persona cu ta sirbiendo un castigo di 10 pa 20 aña
di prison pa abuso di mucha, lo no bin na remarca pa
bay liber prome cu e cumpli cu henter e castigo stipula.
Na mes momento e ley ta mustra cu esnan cu haci nan
mes culpabel na repartimento di pornografia infantile
di muchanan te cu 12 aña of mas hoben, tambe lo tin
cu sinta nan castigo sin cu nan por bin na remarca pa
sali cu libertad condicional y tambe lo tin cu sinta su
castigo por completo.
Unico desviacion cu tin ta ora cu ta trata di un persona
di 18 of 19 aña, kende a tene relacion c’un hoben cu ta
ser considera un menor di edad, ta bin na remarca bou
cierto condicion.