Page 10 - BDA10MARCH2015

A10

riba cayaDiamars 10 Maart 2015

Habitante atento a evita
un candela

PLAYA - Dialuna mainta habitante kedando den un
apartamento riba Driemasterstraat a haya holo di can-
dela y ora a bay wak di unda esaki ta bin a tuma nota cu
tin un candela pafo parti ariba di e edificio.
E habitante a bati alarma y bomberonan ta yega na e sitio con-
huntamente cu Polis. E habitante mes a domina e candela, y
a constata cu e kortsluiting a bin di algun kabel di coriente cu
tabata sali di un tubo y pa un motibo of otro a pega na otro.q

Accidente basta fuerte cu herido

KUDAWECHA - Dialuna atardi riba caminda di Ku-
dawecha pa bay Sabana Liber ta sucede un accidente
di auto basta fuerte entre dos auto cu consecuencia cu
tres persona a resulta levemente herida. Patruyanan
di biaha ta bay na e sitio y tambe dos ambulance pa
atende cu esunnan lesiona.
Na e sitio a bin topa cu un Suzuki Jimmy y un Chevrolet
Optra completamente kibra. Segun testigo a duna di conoce
cu e Suzuki Jimmy bayendo den direccion pabou riba un ve-
locidad halto a bay den e banda contrario y dal riba e Chevro-
let Optra. Den e Chevrolet tabata tin dos señora cu a resulta
herida. E chauffeur di e Suzuki a resulta levemente herida
y personal di ambulance a duna e victimanan asistencia na
e sitio mes. Ambos auto a keda hala for di riba caminda pa
takelwagen. q