Page 24 - AM240710

24 FUN FACT AWEMainta Diaranson, 10 Juli 2024

FUN FACTS

Vuelo comercial mas cortico di

mundo ta dura menos di 2 minuut

E vuelo den avion entre e islanan Escoses di Westray y Papa Westray,
ta wanta e record mundial di e vuelo comercial mas cortico, ya cu

e avion sa ta den aire algo menos di 2 minuut.

Cu un vuelo asina cortico, por parce un locura den casi henter
mundo, e cosnan ta distinto riba e islanan den nort di Escocia. E

poco habitantenan di e Islanan Orcada solamente tin dos opcion u
biahe den ferry riba awa bruto of un vuelo increiblemente cortico
den avioneta.

E di dos opcion ta esun mas popular - pasobra e ferry por sufri hopi
biaha interupcion - y esun mas famoso pa con cortico e vuelonan
por ta. Es mas, e vuelo entre e islanan di Westray y Papa Westray
ta reconoci oficialmente como e vuelo comercial mas cortico di

mundo: e por dura mas of menos 90 seconde.

E vuelo comercial mas cortico di mundo a establece pa prome biaha
na 1967 y for di e momento ey Loganair ta oper’e. E ta cubri un

distancia di solamente 2,7 kilometer, cu ta mas cortico cu e pista
di mayoria di e aeropuertonan grandi. E pasaheronan ta bula den
un Britten-Norman Islander, un avion chikito cu ta rekeri un solo
piloto y solamente tin ocho asiento.

Den condicion normal, e vuelo comercial mas cortico di mundo ta
dura entre 90 y 120 seconde, pero, manera un piloto a demostra,
den condicion meteorologico faborabel por completa den sola-

mente 53 seconde. Sinembargo, den circunstancianan desfabo-
rabel, e avion por ta den aire casi 3 minuut.

E vuelo entre Westray y Papa Westray a wordo critica pa ta innec-

esariamente perhudicial pa medio ambiente debi n’e distancia
cortico cu e ta recore, pero p’e habitantenan di Westray (600) y
Papa Westray (90), ta un enlace vital cu e otro islanan mas pobla.
P’e residentenan den e Orcada, e vuelonan ta subvenciona p’e

gobierno Escoses, mientras cu e turistanan por paga entre 17 y 45
pound (21 of 57 dollar).

A pesar di e poblacion escaso di e dos islanan, e vuelo por ta

bastante concuri, durante e lunanan di zomer, ya cu tin hopi turista
dispuesto pa experencia p’esaki.