Page 9 - APA
P. 9
VIDEO COMPLETO: Turista Crusero cu
enfermedad mental, segun e si e keda Aruba elo
muri. Bijbel a bise esey
April 8, 2019
L.G.Smith Blvd – Diadomingo merdia polisnan a bay altura di The Paddock parti patras, pa atende cu
un homber turista.
Polisnan a wordo informa cu e homber aki ta ariba e Crucero mara den waf y cu e lo ta sufri di un of otro
enfermedad mental.
Agencia cu ta representa e Crusero aki na Aruba tambe a notifica autoridad di e persona aki.
Segun e persona aki cu su aparencia ta mustra normal, e mester bandona Aruba. Paso si e keda ela muri, segun
e esey ta skirbi den Bijbel.
Tambe por a constata cu e ta mira cosnan cu no tey, o sea ta halucina. E cabayero tawata actuando manera
hende cu a usa droga, pero algo hopi pisa.
Ariba avion absolutamente cu e no por bay y e mester bay ariba e Barco pa haya su medicamento/nan.
Ora polisnan a topa prome biaha, mesora nan a hinke den patruya. E momento eynan nan no tawata sa con
halto serio su enfermedad mental ta. E tawata keda bisa cu tin hende ta sigui’e.
Dado momento te hasta ela baha for di e auto cla pa core bay, pero net otro agentenan a yega y a wante.
Dado momento ela bira histerico, pero agentenan a mantene nan mes trankil y no mustre nada di nervio.
