Page 30 - AVP
P. 30
Wever kier duna Parlamento e ley di
terminacion di CITGO aki dos siman
Posted on 03/2/2020 4:03 pm AST | Updated on 03/2/2020 4:03 pm AST
ORANJESTAD – Gobierno tin como ‘targetdate’ e fecha di 16 di maart proximo pa por
keda cla cu e ley di terminacion di refineria CITGO pa e por bay Parlamento. Asina
prome minister Evelyn Wever Croes a contesta noticiacla.com dialuna mainta durante e
conferencia semanal di gobierno.
FECHA DI TERMINACION
Prensa internacional ta citando gobierno riba e fecha ey cu cos mester ta cla. “E ora
eynan nos ta bay cu e ley di terminacion Parlamento” Wever a sigui bisa mas specifico.
“Unabez Parlamento duna gobierno e autorisacion pa termina e acuerdonan, nos por
firma e acuerdo di terminacion cu CITGO, y e ora si nos tin e disposicion completo di
terminal di refineria y nos tin tur cos di bisa” e mandatario a sigui bisa. Ainda tin cu
opera y maneha e refineria, pero no por bende of lease e cu otro persona of compania.
