Page 112 - KPA
P. 112
Awe tardi pa 6’or, durante e Misa regular na Kapel di Madiki tabata tin un momento pa
un oracion pa e hoben aprecia den henter nos comunidad, Marko Espinoza, cu ta pasando
momentonan dificil. Durante di e misa aki, cual tin cu bisa cu tabata hopi bon atendi, por
a nota presencia di ex prome minister di Aruba, Mike Eman y su señora esposa Doina,
kende a mustra nan solidaridad pa e momentonan dificil cu Marko ta pasando aden.
Marko actualmente ta deteni pa persecusion politico unda cu nan ta sospech’e di ta
envolvi den ladronicia di ekiponan audio visual. Pero husticia lo prevalece y lo boga pa e
inocencia di Marko. Un y tur presente durante e Santo Sacrificio di Misa aki a y ta
sostene Marko, su famia y amigonan den e temponan scur aki.
