Page 32 - KPA
P. 32
Dialuna, 11 December 2017 AWEMainta 15
2 agente policial orguyoso di sirbi nos pais
Emiliano Baarh y Jose Dirks a celebra
25 aña den Cuerpo Policial Aruba
DIAHUEBS 6 december den un ceremonia special hunto cu
famia a celebra cu Sr. Emiliano BAARH y Jose DIRKS kende cu
ta Hoofd Agent 1ste klasse a cumpli 25 aña den Cuerpo Policial
Aruba. Na e ocasion aki nan a ricibi nan Decreto Gubernamental
(Landsbeluit) den nan man.
Alto commisario Sr. Adolfo “ Dolfi” Richardson a bisa cu no ta
tur persona ta yega 25 aña di servicio. E ta un trabao cu ta exigi
hopi di bo tempo na unda famia di e polis tin di sacrifica nan
tempo cu nan ser keri. E ta gradici e famianan masha hopi den
nomber di KPA.
Cuerpo Policial Aruba ta un cuerpo hoben mirando esnan sinta
na mesa no ta mustra cu nan tin 25 aña caba trahando. Alto
comisario ta keda enfatisa cu ta un team effort esaki ta . E la
añadi aserca pa e dos coleganan aki keda guia esnan bao nan y
corigi nan ora mester. Ban keda wak pa otro y guia otro ta un
famia nos ta.
Sr Richardson ta desea e dos coleganan pa nan por jega 40 aña di
servicio den nos cuerpo policial.
