Page 13 - AHATA

12 INTERNACIONAL AWEMainta Diamars 17 september 2024

Netanyahu ta priminti represalia despues di

atake cu misil Houthi den centro di Israel

PROME minister Israeli, Benjamin Netanyahu, a priminti
cu rebeldenan houthi di Yemen lo "paga un prijs halto"

despues cu un misil dispara pa e grupo, a dal Centro di
Israel riba diadomingo.

E misil, cu a cay den un area deshabita, a causa daño

pero no herido, siendo e prome biaha cu un misil tira pa e
houthis ta yega asina leu den e pais.

Forsa di Defensa di Israel (IDF) ta investigando con e misil,

lansa for di mas o menos 2,000 kilometer leu, por a evita
e sistemanan di defensa aereo di Israel.

Segun e houthis, e atake a tuma luga usando un misil

hipersonico nobo, cu por splica pakiko e Iron Dome di
Israel y otro sistemanan di defensa no a logra intercepta
e misil.

E houthis, cu ta identifica nan mes como parti di un "axis
di resistencia" lidera pa Iran contra Israel, a afirma cu e
atake a wordo lansa den solidaridad cu e Palestinonan.

E grupo a adverti di mas atake ora cu e prome aniver-
sario di e masacre lidera pa Hamas na Israel ta yegando,
cu a inicia e actual conflicto di Gaza, dia 7 di
october.

Netanyahu a contesta cu un advertencia
severo, recordando e houthis e capacidad di
represalia di Israel.

"E houthis ya mester sa cu nos ta cobra un prijs
halto pa cualkier intento di haci nos daño", e
Prome Minister a bisa.

"Cualkier persona cu ataca nos lo no scapa
di nos armanan", el a agrega, insinuando un
represalia inminente.

E ultimo gran atake houthi contra Israel a
tuma luga na juli, cu un morto y ocho herido na
Tel Aviv. Den contesta, Israel a lansa un atake

aereo mortal contra e ciudad portuario Yemení
di Hodeida.

E ultimo atake cu misil ta prepara e escenario

pa un escala mas grandi den e region, mien-
tras Israel ta prepara pa posibel atake futuro.