Page 25 - FDLP
P. 25
Aruba Center Little League a gana
North League y bira campeon invicto
Posted on 06/21/2018 5:53 pm AST | Updated on 06/21/2018 5:53 pm AST
ORANJESTAD - Dos siman pasa Aruba a mira un tremendo serie di baseball di Aruba
Little League unda nos a haya e finalnan den e divisionnan di Junior y Senior unda Aruba
Center League(Junior) y Aruba North League(Senior) a logra e titulo di campeon. Den e
weekend tras di lomba a hunga e gran final den e division di Little League(Mayor) cu a
bay entre e fuerte ekiponan di Aruba Center y Aruba North Little League. Un serie cu
sigur henter fanatico di baseball tabata spera riba dje. Den e ronda preliminar, e ekipo di
Center a demostra su superioridad ganado tur nan weganan.
Diasabra den e prome wega di e gran final, Aruba Center League a triunfa cu e score
chikito di 3 - 0, pero diadomingo den e di dos wega e ekipo di Center League a bin dicidi
y ta gana 10 - 3 y ta bay cu e titulo di campeon. Awor Aruba Center Little League lo
representa Aruba den e Little League Caribbean Series na Sabana Grandi, Puerto Rico
den luna di juli. E aña aki e ekipo di Center League tabata forma cu hungadornan di e
ekiponan di Flatstone, Stars, Grasshoppers y Aruba Rockets.
