Page 9 - awe0707_compressed

Diahuebs 7 di Juli 2022

SUCESO

Accidente entre 3 auto y dos herido hiba hospital

iaranson den careda di 4’or di atardi polis y ambulance a
Dbay pariba di Misa di Tanki Leendert, unda tawata tin un
accidente entre 3 vehiculo.
Vehiculonan envolvi, Chevrolet Aveo, Nissan Cube y un Honda
Fit cu ta esun cu a ricibi menos daño material.
Den e accidente chauffeur di e Chevrolet Aveo cu ta un auto
nobo a resulta herida, debi na e impacto di e Cube su tras e
dama chauffeur tawata kega di dolor na cabes y nek.

Pa un of otro motibo e Nissan Cube lo no a regula su velocidad
y a dal tras di e Aveo hopi duro heridando e chauffeur.

Pazuid di caminda nos por a mira un Honda Fit cu a ricibi daño
pero menos cu e otro dosnan.

Na yegada di ambulance Paramediconan cu cautela a yuda e
dama di e Aveo baha y a lag’e drumi ariba e stretcher pa despues
pone den ambulance y pa despues sali direccion Hospital. Eynan
lo haci un check up mas extenso.

Un rato despues a yega un di dos ambulance cu a transporta e
chauffeur di e Cube tambe pa Hospital pa check up.

A cera caminda den ambos direccion debi cu e autonan tawata
memey di caminda, pa polis di trafico por a haci su trabou y
tambe Paramediconan.

L O C A T E D A T B U C U T I
& T A R A B E A C H R E S O R T
R E S E R V A T I O N S R E Q U I R E D
e l e m e n t s a r u b a . c o m | + 2 9 7 5 9 2 5 8 6 8
A D U L T S O N L Y | C A S H L E S S | N O S M O K I N G | N O G R O U P S
9