Page 23 - KPA_Neat

tereno ta completamente limpi. Polisnan di Oranjestad, encabesa pa Polis di Bario,
Mayor Vos, a realisa e proyecto cu sosten y colaboracion di DOW, Serlimar, DIP y DMT.

A reuni e adictonan cu tabata riba e tereno aki cu nan famia, pa por a cuminsa traha
riba e proyecto. E adictonan aki ta interna bou curatela na Paradera y no ta causa
molester pe bario. E habitantenan ta masha contento awor y ta gradici cu e proyecto
aki, pasobra pa varios aña nan ta victima di molester.

Regularmente ta manda patruya di Polis pa atende cu molester di choller, pelea,
ladronicia, huma, holo, molester di desordo, etc. E vivienda aki ta riba un tereno cu ta
cera cu paletnan, pero tambe tin mata di Kwihi riba e tereno aki. Pa mira e vivienda aki
desde caminda tabata dificil, pa motibo cu e ta scondi pe matanan di Kwihi.

A haci uzo di paletnan pa traha e vivienda y tambe tabata haci uzo di e tereno como
luga di warda cos di cual chollernan tabata sconde sushi, di cual nan tabata haci uzo di
e tereno/cas como baño. Tambe a topa cu cacho, parha y gainan cu tin enfermedad.
Tur dia riba e tereno aki ta haci uzo di droga y pa motibo cu e chollernan ta haci uzo di
e luga, mas hende no desea ta yega den e bisindario.

Meta di e proyecto aki tabata pa evita chollernan reuni na e tereno y tambe pa evita cu
den e bario e habitantenan por tin molester di pelea, desorden, huma y sushedad.
Haciendo limpi ta evita cu chollernan ta crea luga ilegal pa warda cosnan.

E proyecto di “Kwihi Ambulante” ta duna e habitantenan di e bisindario di Paradijs un
trankilidad. Si tin personanan cu sa di mas casonan similar yama Warda di Polis di Playa
y pidi pa Polis di Bario.