Page 35 - KPA_Neat

a12 riba caya
Diamars 20 Juni 2017
Chauffeur a kibra auto contra palo di luz

ORANJESTAD - Dialuna marduga polis a haya
un melding cu lo tin un auto para memey di ca-
minda den Emanstraat banda di Thiel Corpo-
ration. Patruya a presenta na e sitio y ta topa
cu un Hyundai Matrix berde tur destrui para
memey di caminda.

Polis a constata cu e chauffeur pa un of otro motibo
a dal riba un palo di luz ya kibra e tire dilanti por
completo.
Door di e impacto e palo di luz tambe a sufri daño
y tawata tin waya di coriente ta colga ariba caminda.
Polis a notifica personal di Elmar cu a presenta me-
sora na e sitio pa atende cu e situacion. Polis a nota
cu e radio a wordo ranca y no ta descarta cu e auto a
wordo horta.
Proyecto Kwihi Ambulante termina

ORANJESTAD - Recientemente Cuerpo Policial a ter-
mina cu e proyecto Kwihi Ambulante, cu a sosode riba
e tereno na Paradijs. Polisnan di Oranjestad, encabesa
pa Polis di Bario, Mayor Vos, a realisa e proyecto cu
sosten y colaboracion di DOW, Serlimar, DIP y DMT.

E adictonan cu tabata biba riba e tereno aki ta interna bou
curatela na Paradera y no ta causa molester pe bario, segun
polis. Polis tambe ta bisa cu habitantenan ta masha contento
awor cu e proyecto aki, mirando cu pa varios aña caba nan ta
victima di molester.

Regularmente ta manda patruya di polis pa atende cu mo-
lester di choller, pelea, ladronicia, huma, holo, molester di
desordo, etc. E vivienda aki ta riba un tereno cu ta cera cu
paletnan, pero tambe tin mata di Kwihi riba e tereno aki. Pa
mira e vivienda aki desde caminda tabata dificil, pa motibo cu
e ta scondi pe matanan di Kwihi.

Meta di e proyecto aki tabata pa evita chollernan reuni na e
tereno y tambe pa evita cu den e bario e habitantenan por
tin molester di pelea, desorden, huma y sushedad. Haciendo
esaki limpi ta evita cu chollernan ta crea luga ilegal pa warda
cosnan, polis ta conclui.