Page 10 - ECOTECH- APRIL 28-2015

AWEMainta Diamars, 28 April 2015 27

Celebracion di Dia di Mama
Tera na Radisson Aruba
Resort, Casino & Spa

DIA 22 di april ultimo, empleadonan di Radisson Aruba Resort a

bin hunto pa celebra Dia di Mama Tera cu un festival educacional
den e Grand Caribbean Ballroom.

E meta di e festival tabata pa celebra e bunita planeta cu nos ta biba
riba dje dor di conscientisa nos mes di e impacto cu nos escogencia
nan tin riba nos medio ambiente y siña con pa conserva y proteha
nos mundo pa futuro generacionnan.

E festival a conta cu presentacionnan interesante di diferente
compania manera Dynaf, WEB, Ecotech, Friomax, Amway y Tur-
tugaruba Foundation.

Tur presente por a siña mas di energia solar, spaarmento di awa,
reciclahe, pruductonan di limpiesa cu no ta dañino pa medio
ambiente, producto nan electronico inverter, proteccion di nos
lama y mucho mas.

Tambe tabatin un mercado di mata, caminda empleado nan por
a probecha di cumpra diferente mata pa un prijs super atractivo.

Pa culima e celebracion di Dia di Tera, Radisson Aruba a percura pa
haci un donacion generoso di varios mata na Cacique Macuarima
School na Santa Cruz.

E klas di Juffrouw Elma hunto cu Juffrouw Mary a acepta un parti
chikito di e donacion cu hopi entusiasmo.

Den e siman benidero, Caribbean Drip Irrigation lo percura pa
completa e trabou di plantamento y embeyecemento dilanti di
cada klas.

E team di e Departamento di Recurso Humano, esta An-
gelique, Karminah, Eugenille, Carmen y Glenn ta gradici
tur esnan cu a haci e celebracion di Dia di Tera uno exitoso.