Page 2 - bon-dia-aruba-20210628

A2 LOCAL
Dialuna 28 Juni 2021
Miguel Mansur di partido Accion21:

“Nos ta boga pa un gabinete di unidad nacional cu ta inclui

tur partido cu a yega parlamento”

Den un combersacion cu lider di partido AC-
CION21, Miguel Mansur a expresa su remar-
canan inicial despues di e resultadonan di elec-
cion y a splica algun punto di prioridad pa trece
cambio den e gobernacion nobo.

BDA: Con e sentimentonan ta pa e oportuni-
dad cu ACCION21 a ricibi pa forma parti di e
coalicion nobo aki, of en todo caso drenta den
Parlamento?
“Uno di hopi gradicimento y di alegria”, Sr. Mansur
a bisa. “Nos ta increiblemente honra cu tanto hende
e deposita nan confiansa den nos. Nos ta super emo-
ciona, pasobra hopi di nan tabata hende jong, first
time voters specialmente, pues di curason, nos ta hopi
agradecido”.

BDA: Cu e plan di maneho cu ACCION21 a
traha, cua te puntonan di prioridad caminda
boso lo kier trece cambio den e gobernacion
nobo aki?
“Obviamente nos ta sostene landspakket, esey ta uno.
Dos ta reforma fiscal. Tres ta igualdad, dus schakkel
bevalling pa union civil cu a pasa y tambe nos kier
open data” Sr. Mansur a bisa.

Tur e puntonan aki di prioridad ta parti di e ideolo-
gia pa modernisa nos leynan y gobernacion di parti
di ACCIO21, y Sr. Mansur tin speransa cu esaki lo
ta posibel.
“Pa hopi di cambionan ey nos mester di 14, pues ta
receri 2 tercera parti di parlamento. Depende con e
gobierno nobo lo muestra esey lo ta posible of no”, e
la contesta pa Bon Dia Aruba.

BDA: Cu e incertidumbre den comunidad pa
locual ta e status economico di nos isla, cua ta e
stapnan crucial di parti di ACCION21 pa revi-
talisa nos economia?
“Nos reforma fiscal ta e miho manera pa revitalisa nos
economia y implementacion di e landspakket ta yuda
cu esey”, meneer Mansur a bisa. “Dus realmente pa
drecha economia nos mester bin cu reforma fiscal.
Economia y finazas ta tuma e prome 14 pagina den
nos plan di partido y realmente esey ta nos enfoke”.

BDA: Nos por a mira un potret di un reunion
entre Sr. Mansur y Sra. Marisol Lopez-Tromp ta
circula ariba rednan social. Sr. Mansur ta cata-
loga e reunion aki como uno positivo?
“Si, sigur cu e tabata positivo”, meneer Mansur a bisa.
“Nos por wak di eleccion cu a caba di pasa cu 19 mil
hende no a vota pa un di e dos partidonan grandi. Ami
sigur di ACCION21 ta representa mi votadonan, pero
tambe mi ta sinti cu mi ta representa e votadonan cu
no a vota pa geel of berde. Mi ta kere señora Lopez
Tromp tambe ta sinti esey, pues nos ta bay wak con
miho nos por representa e votonan ey cu no ta repre-
senta aworaki den parlamento pero a bay na restzetel,
aunke nan no a vota pa un di e partidonan grandi”.

BDA: Meneer Mansur su mensahe pa e comuni-
dad di Aruba cu ta desea di wak un cambio den
gobernacion di Aruba.
“Mi mensahe pa comunidad di Aruba ta sigi ta crit-
ico, sigi ta consiente, sigi demanda di e politiconan.
Ken cu bai sinta den gobierno, demanda di nan loke
nan a priminti. Realmente wak y exigi tambe pa tur
hende traha hunto. Nos di ACCION21 nos ta boga
pa un gabinete di unidad nacional cu ta inclui tur e
partidonan cu a yega parlamento. Dus asina so ta e
manera mas fasil y mas lihe pa reforma nos economia.
E proyectonan cu ta biniendo ta e landspakket. Mas
amplio e base ta mas lihe y mas solido nos recupera-
cion por ta”, meneer Mansur a bisa.