Page 11 - AWEMAINTA

Diabierna, 2 Februari 2018 AWEMainta 11

Varios patruya pa atende cu pashent di PAAZ

DIARANSON atardi varios patruya y

tambe un unidad di brandweer a bay un
adres den Seroe Patrishi.
Na dicho adres tin un homber cu ta Paaz
pashent y aparentemente ya pa varios dia no
a bebe su medicamentonan.

Esaki lo a causa cu e la bira agresivo y hasta
lo a menasa un señora cu morto.
Prome patruya na e sitio cu ya un rato prome
tawata eynan a pidi refuerso, mirando cu e
homber aki lo por bay resisti fuertemente
contranan.

Brandweer tambe a wordo pidi, pa a corta un
candal pa polis por a yega na unda e homber
ta. Na nan yegada esaki no tawata necesario
mas mirando cu polisnan a logra yega unda
e homber ta.

Na e sitio tawata tin basta agente policial, pa
si acaso algo bay for di man.
Danki Dios tur cos a bay rustig. Por a mira un
agente a papia calmo cu e homber y despues
di sinta hunto un rato ela cana bay e trans-
portwagen y a wordo geboei.

E señora cu a wordo menasa cu morto, no
tawata desea di entrega un keho oficial con-
tra e homber. Pero si tawata desea pa e wordo
hiba Paaz.

Mas robo DIARANSON, e homber F. a presenta na warda di Shaba pa duna
den auto
tumando keho di ladronicia for di den su auto. Diamars, pa mas of menos 8’or
di anochi, el a staciona su auto panort di Stadion Frans Figaroa riba un
luga stupi. El a declara cu el a cera e auto na lock, pero e slot di e porta drechi
parti patras, ta defecto. Riba e mesun dia, pa 10’or y 45, el a bay bek na
su auto y a mira cu e dashboard tabata habri. Tambe el a nota cu e auto
a wordo reboltea.
Desconocidonan a bay cu su paspoort y un cartera color preto cu su rijbe-
wijs, dos carchi di ATM. Dicho pertenencianan tabata den e dashboard.
Posiblemente e desconocidonan lo a habri e porta defecto y a drenta den
e auto.