Page 3 - AWEMAINTA

Diabierna, 2 Februari 2018 AWEMainta
Algun miembro rabia cu Minister di Finanza a E hecho cu Gobierno di Aruba no a cumpli cu un
ricibi solamente e Presidente di SADA
SADA kier ehecucion di
convenio di juli 2017
3
convenio firma na juli, 2017, entre SADA, director di
Aduana , Mediador di Gobierno y Minister, a causa
cu sindicato a dicidi di yama un reunion urgente dia-
huebs mainta y a entrega un carta di protesta na e
Minister encarga, Xiomara Ruiz Maduro.
Despues di e reunion e grupo miembronan di SADA
a cana bay Gobierno, pero a wordo sorprendi cu e
mandatario a permiti solamente e presidente drenta,
splicando cu e ta malo y no mester ta na trabou mes.
Esaki tabata algo cu e miembronan no a gusta.
Loke e mandatario a bisa e Presidente di SADA, sr.
Maduro, cu el a manda pidi conseho na Departamento
di Recurso Humano y Wetgeving riba ehecucion cu e
convenio. Esaki sinembargo cu e Presidente di SADA
a splik’e e no ta compronde pasobra e team di DRH
tabata presente durante henter e negociacionnan. Pero
ta te na november Directie Wetgeving a haya henter
e pakete di DRH, y door di e tempo cortico aki no a
logra yega na nan conseho prome cu e fecha di prome
di januari. E mester wordo manda hasta pa Raad van
Advies pa conseho prome cu e yega bek pa Conseho
di Minister. “E Minister a pidi su disculpa tambe cu e
no a contesta nos email y mi a bis’e cu di e forma ey
el a laga porta habri pa bini cu speculacionnan y crea
malcontento bou miembronan di Aduana.”
E mandatario, segun Maduro, a dun’e algun splica-
cion pero a bis’e cu esey no ta momento pa bay den
detayes pasobra el a bini cu su hendenan pa simple-
mente entrega e carta di protesta pa e hecho cu nan
no a ricibi ningun contesta di un convenio cu a wordo
cera for di aña pasa juli. “Mi a bis’e cu nos tur kier
yega na un solucion na mesa pa no molestia comercio
ni e servicio. Nos semper ta trata di yega na un solu-
cion na mesa. Mi a informe pa proximo biaha si e no
ta sinti su curpa bon, tuma e carta solamente, pasobra
no ta corecto pa bay den un reunion cu un represent-
ante di e sindicato.”
E presidente di SADA a inform’e cu nan lo keda pen-
diente di su contesta, manera ta poni den e carta,
esta pa dia 8 di februari. E mandatario a bis’e cu e
lo bay repasa tur e documentonan cu el a ricibi di
DRH y Directie Wetgeving. Si no logra yega na un
acuerdo, lo bay Corte. El a bisa cu dia 8 di januari
ultimo SADA a entrega un copia di e convenio na
e mandatario pero no a logra dun’e un presentacion
ainda. Pesey ta importante pa yama un reunion entre
tur e partidonan concerni. Pa SADA no ta problema
sinta na mesa, pero e punto principal ta ehecucion di
e convenant. Unico cos cu nan no ta compronde di
con ta bolbe pidi conseho di DRH, cu ta na altura di
tur loke a wordo discuti.