Page 22 - MIN ARENDS

8 AWEMainta Diaranson, 13 September 2017

Cu un avion priva separa

Prome Minister Mike

Eman y Mike de Meza

a sali pa St. Maarten

AYERA tardi Prome Minister Mike Eman y Minister Mike
de Meza a sali pa St. Maarten pa un bishita relampago, sigur
di 24 ora, despues cu e mes kier pone su mes na altura di daño
causa dor di orcan Irma.
Tambe nan a bay cu algun Polis y a hiba hopi awa y cuminda,
cu tanto ta haci falta e.o. pa nos propio hendenan, e.o. pa nos
propio Polisnan cu ta na St. Maarten.

E intencion ta pa bolbe ayera of awe madruga mes y bin cu
varios Arubiano cu kier bin Aruba, sin tin cu paga nada. Esaki
lo core riba gasto di Gobierno.
E delegacion aki a ser compaña pa dos fiel colaborador, esta
Marko Espinoza y Nelson Speed Andrade, kendenan tin tarea
pa filma y saca potret, tur unda e Prome Mandatario ta pasa.
E lo hiba combersacion cu su colega Prome Minister Marlin y
ta spera di por topa tambe cu Rey Willem Alexander.
Despues di esaki, e delegacion Arubano aki lo bolbe Aruba y
ta intencion pa trece algun Arubiano cu ta pega ainda na St.
Maarten.

Pesey un di e avionnan cu lo haci e buelo aki ta di PAWA, den
cual Minister Mike de Meza ta bay cu e productonan cu lo ser
manda.
Tambe lo biaha algun Polis y personal di Rampenbureau, pen-
diente di algun miembro di Cruz Cora.

Nos kier menciona, cu tog un noticia fastioso, cu un di e pacien-
tenan cu a bin pa haci dialyse, a fayece ayera merdia na Aruba.