Page 39 - KPA 6 APRIL 2016

riba caya A9
Diaranson 6 APRIL 2016

Tres auto ta accidenta den lorada

SERO PATRISHI - Dia- direccion di Playa, y na dado control y dal contra un SUV
mars merdia un boksmento momento e Jeep blauw cu biniendo di pabou.
entre tres auto a sucede na e tabata biniendo di Paradera Chauffeur di e Jeep despues
lorada conoci di Sero Patri- a bay pasa e truck na banda di tur e maniobra y a dal dos
shi. pero a dal e truck. auto, a bay para pazuid di ca-
Un truck di carga di un com- Esaki a pone cu e Jeep a perde minda den mondi. Niun per-
pania a subi caminda pa bay sona a resulta herida.q

Chabalitonan ta coba den autobus di
señora na Pos Chikito

POS CHIKITO - Dialuna, pa mas of menos 2’or y 28 di marduga, Central ta dirigi
patruya na un adres na Pos Chikito, pa un ladronicia. Na caminda, Central ta meld cu
e denunciante a notifica cu nan lo ta siguiendo e sospechosonan na altura di Telearuba.
Polis a topa cu e denunciante na altura di Balashi Web, kende a declara cu rond di 2’or
y 20 di marduga, el a scucha su cachonan blaf. El a bay controla y a mira dos hoben desconoci
ta coba den su autobus. Ora cu el a grita e hobennan “kico boso ta busca,” e hobennan a
core bay direccion pabao. E, hunto cu su yiu homber a cuminsa cu un persecucion, pero a
perde e dos hobennan na Balashi WEB. Polis a busca den vecindario, pero no a topa cu nan.
Denunciante a declara cu e dos hobennan aki ta di color scur. Un di nan tabata bisti na preto
cu slof blanco y e otro tabata tin un vlecht na su cabes. Un di e hobennan tabata tira un bicicleta
y tabata tin un short cu tur clase di color. Keho a wordo duna. Central a wordo poni na altura.

Intento di ladronicia den Scopetstraat

PONTON - Dialuna, pa mas of menos 7’or y 54 di mainta, Central a manda patruya den
Scopetstraat pa un intento di ladronicia. Eynan ta papia cu e dama W., kende a declara cu
diabierna, un persona desconoci a purba di comete ladronicia cerca di su bisiña. Tambe el
a bin haya un jeans sushi y un camisa benta abao, aparentemente di e ladron. Dialuna, pa
4’or y 20 di marduga, ora cu el a lanta, el a scucha con un hende tabata purba di habri e
schutternan di su bentana di cushina. Ora cu el a bay habri esaki, el a wak un hende ta cana bay.

Preke un biaha mas drumi riba caminda

ORANJESTAD - Dialuna, pa mas of menos 1’or y 51 di atardi, e recidivista Preke
a haya un proces-verbaal y baha na cas. Central a manda patruya na Rotonde Las
Americas caminda cu Preke tabata drumi riba caminda publico. Eynan a bin top e cu
su pianan practicamente riba caminda. E tabata bao di influencia di alcohol y a haya su
proces-verbaal. El a wordo laga na su cas na Buena Vista pa polis Central a wordo poni
na altura.

Bentana y porta kibra di cas na De Vuyst

SAN NICOLAS - Dialuna, pa mas of menos 5’or y 50 di atardi, Central ta dirigi patruya
na un adres na De Vuyst, den cuadro cu un caso di ladronicia. Eynan a papia cu e habitante
G., kende a declara cu rond di 6’or y mey di mainta el a bay traha y a yega cas rond di 5’or
di atardi. Ora cu el a yega, el a ripara cu e bentana di su camber y e porta di un otro camber,
tabata kibra. Polis a bin topa cu dos bloki riba otro contra di e muraya na e bentana di e
camber. A constata fingerprint riba e bentana y cu e porta di camber tabata forsa. G. A
declara cu e no ta sinti falta di nada for di e cas. Central y departamento tecnico a wordo
poni na altura.q