Page 5 - AWEMAINTA 22 MARCH

AWEMainta Diaranson, 22 Maart 2017 5

Parlamentario Clarisca Velasquez (AVP):

Plaza Padu ta un culminacion di
renobacion di e parti historico
di nos centro di ciudad

“DIABIERNA cu a pasa a inaugura plaza Padu, un plaza cu ta forma parti di historia

di nos pais unda cu a honra tres baluarte Padu Lampe, Rufo Wever y Lio Booi dor di
traha statua di nan pa demostra nos gratitud pa cu nan dedicacion na compone y aregla
e himno di nos pais “Aruba dushi tera”. Pa nos demostra nos gratitud pa nan contribu-
cion na nos cultura, historia y indentidad”, segun Parlamentario Velasquez.

“E anochi aki sr. Padu Lampe cu ainda ta cu nos a
wordo homenahea cu tur honor pa tur loke e ta significa pa nos tur.
Nos comunidad a acudi masalmente na e evento aki demostrando

asina cu nan ta contento cu ta honra Padu cu un Plaza.
E renobacion di centro di ciudad a culmina den e

parti historico aki trahando un plaza den centro di diferente
monumento p’asina stimula nos hendenan pa aprecia y balora nos

historia y nos cultura. Tur esakinan den e proyecto
grandi di renobacion di nos centro di ciudad”,

- e Parlamentario a expresa.

“Ban conserva nos Plaza Padu dor di bishita esaki p’asina nos mantene nos
historia y cultura bibo. Danki Aruba y danki na nos Gobierno cu su vision pa
conserva nos historia y cultura”, tabata e mensahe di Parlamentario Clarisca
Velasquez.