Page 47 - FDLP

ORANJESTAD, Aruba

Den e prome rond di futbol Division Honor, SV Dakota a clasifica relativamente trempan pero a haci
esaki den e di dos rond tambe. Tur team a adapta nan mes y esaki a pone cu e reto ta bira mas grandi

pasobra teamnan kier gana Dakota. Pero SV Dakota ta luchando pa asina nan por bira campeon e aña
aki.

Ex dirigente di SV Dakota, Harvey Clement, a expresa di ta contento cu e staff di Dakota pasobra

nan ta enfoca y train tur dia cu e muchanan, pero tambe ta keda motiva e hungadonan. E directiva di
SV Dakota ta keda na telefon cu otro te 11’or di anochi, unda nan ta papia kico nan lo haci e
siguiente dia , con ta bay haci esey y ki ora. Tur esey ta acopla hunto y asina aki ta bira Dakota. E
team Dakota ta motiva y e hungadonan ta yega veld y train duro. Asina aki poco poco nan ta yega

unda nan t’ey cual ta e semi final di play-off.

E prome wega di play-off lo ta diabierna dia 18 di Mei proximo, unda cu lo bay tin tiramento di lot

pa defini ken lo bira number 1, 2, 3 y 4. Asina aki lo haya sa ken lo hunga diabierna dia 18 di Mei pa
8’or di anochi, mientras e otro dos team lo hunga diasabra.

SV Dakota lo tene un accion di sticker grandi, pero tambe lo bay tin dunamento di T-shirt,
bendemento di T-shirt y acesorionan. “Si abo kier forma parti di un bon ambiente pa locual ta bay

stadion, prepara bo p’e fecha y nos lo bay ta riba e parkeerplaats di Centro di Bario Dakota hunto cu
Tropical Bottling”, asina Harvey Clement a expresa. SV Dakota ta gradici Tropical Bottling Co. pa
yuda nan cu e actividad na caminda pa stadion y asina aki lo haci esaki grandi. Tambe nan ta

agradecido na tur sponsor cu no solamente a sostene e team durante campeonato, pero a haci esaki pa
añanan.

Ta importante pa fanaticonan di bario yega stadion y apoya e hungadonan, pasobra nan mester di

cada uno. Ora cu fanatico yega stadion, motiva nan. Tin biaha tin palabranan cu ta bay for di sla, pero
esaki ta loke SV Dakota no kier pa tin palabra malo den stadion pa motibo cu hopi mucha ta yega. E
directiva ta invita tur hende pa yega stadion y anima e hungadonan cu palabranan di sosten. E

aspiracion di Dakota ta pa bira campeon un biaha mas den Division Honor.

Tin un colegialidad entre e clubnan di futbol pa asina por yena e stadion y Harvey Clement a indica
cu esaki no mester cay solamente riba AVB so. Aunke cu e clubnan por ta contrincante deportivo,