Page 22 - awem july15

22 AWEMainta Diaranson, 15 Juli 2015

Di acuerdo cu Minister Paul Croes:

Proyecto Poder
di Hubentud

APOYANDO

hobennan

PODER di Hubentud durante e siman cu a pasa a duna

e prome cursonan na hobennan cu a wordo nomina te
cu aworaki.
Durante cada encuentro e hobennan a sali mas motiva y
cla pa sigi cu nan mesun retonan.
“Esaki t’e parti importante di e proyecto aki. Hobennan ta
recibi curso y guia durante nan nominacion. Ya caba esaki
ta un paso importante”, Minister Paul Croes a menciona.

E proyecto aki ta wordo carga dor di ATHA y apoya pa
Ministerio di Asunto Social y Hubentud bou di encargo
di Minister Paul Croes.
Hobennan a ricibi lesnan for di FADA cu a laga nan traha
hopi den team pa yuda mehora nan conocemento ora di
trata cu otro hobenan.
Sra. Didder di Toastmasters a duna e hobennan e
diferente hermentnan valioso p’asina nan por ta mas
consciente ora di papia dilanti publico y sa con pa duna
nan opinión den un forma mas specifico.

Durante e workshopnan aki hobennan mester a presenta
nan mes y cada un di nan a sa di trece nan speech den un
forma special dilanti.
Sra. Belkys Moreau di Moreau Facilitation Services a sera
e siman cu “self motivation” y “leadership skills”.
E hobenan durante ful un dia a participa activamente.

Durante fin di siman a papia cu algun mayor cu a bisa cu
nan ta mira un cambio ya caba den e forma di pensa y
papia di nan yiunan.
Nan ta hopi contento y gradici n’e forma cu nan yiunan
ta wordo motiva y guia pa yuda otro hobenan den
comunidad, pero principalmente tambe con e cambio
aki ta transforma nan tambe. Ainda tin un grupo mas cu
lo mester haña e cursonan aki p’asina sera e grupo den
su totalidad.

Comision di Poder di Hubentud y Minister Paul Croes ta
hopi contento con nos hobennan nomina ta entusiasma
pa sigi nan reto cu nan tin nan dilanti hunto cu e famia
cu ta apoyando nan. E lo ta un decision hopi dificil ora
bo mira e calidad di hobennan cu ta den e nominacion.