Page 8 - MIN SOC 22 AUG 2015

AWEMainta Diasabra, 22 Augustus 2015 29

Exposicion
Kimaterra ta

habri pa
publico

Te cu fin di otro siman na Unoca

DIABIERNA ultimo un grupo grandi di aficionado cultural a join Trudy Lampe,

un artista ceramico, p’e lansamento di su exposicion KIMATERRA. E exposicion
ta wordo presenta den colaboracion cu UNOCA y ta clausura di un proyecto cu
a inclui un seminario di ceramica cu Trudy a atende na Hulanda.
E anochi di e lansamento tabata uno yena cu emocion unda Trudy, cu tin mas
di 35 aña di experiencia a comparti cu publico su pasion, arte y tecnica pa crea
artefacto unico di ceremica.

E exposicion aki ta mustra e trabou cu ta tuma lugar y e dedicacion cu e tin pa
crea su arte. Desde busca klei den parti remoto di nos isla, sefta, procesa y kima
esaki pa presenta un producto final unico.
Setnan di thee, pochi y artefacto pa uso diario of decorativo, Trudy ta crea beyesa
cu su man, klei y imaginacion.
Pa por comparti e proceso aki, videografo Ken Wolff a produci un documentario
di 17 minuut cu ta parti di e exposicion y den cual por mira palpablemente e pa-
sion di Trudy pa su arte.

Publico ta keda invita pa mira y experiencia e exposicion y documentario aki te
cu 28 di augustus, 2015 na galeria di UNOCA situa na Stadionweg 21, Oranjestad
di 9am pa 12pm y 1:30pm pa 5pm.
Pa mas informacion por yama oficina di UNOCA na 583 5681 of bishita e pagina
di UNOCA ARUBA riba facebook.