Page 93 - MIN VOS 19 NOV 2015

Camber hiperbarico na Aruba keto bay sin
wordo uza

Posted on 11/19/2015 11:21 am AST | Updated on 11/19/2015 11:22 am AST

ORANJESTAD — E camber hiperbarico cu na februari di e aña aki a wordo instala na
Aruba te ainda no ta den uzo. Esaki Rudy Davelaar, presidente di Aruba Hyperbaric
Foundation, ta duna di conoce na Red Caribense. Segun Davelaar e no a logra haya
cooperacion for di hospital y fondo di seguro di cuido AZV. Director di AZV Anco
Ringeling di su banda ta duna di conoce cu e nunca a wordo acerca y cu hospital mes
mientras tanto ta biniendo cu su propio camber hiperbarico, pa locual AZV tambe ta
dispuesto pa co-financia. Theo de Kool, director financiero di hospital, ta bisa su banda
sinembargo cu na momento aki hospital ta djis studiando e posibilidad di tuma un camber
hiperbarico.

HISTORIA DI E CAMBER

Pa casi un aña largo e camber hiperbarico ta para den un sala di un centro di buceo serca Baby
Beach, sin wordo opera. Buceadonan cu ta haya nan mes den problema den awanan local ta
wordo transporta pa Boneiro pa nan tratamento, y diabeticonan no tin acceso na terapia
hiperbarico pa nan heridanan.

COSTO

Segun Davelaar, cu a paga alrededor di `175,000 florin pa cumpra y entre otro transporta e
aparato, e ta cla pa traha pero no por haci esaki sin tin acuerdonan di operacion y pago cu
Horacio Oduber Hospital y AZV. E ta bisa cu el a acerca gerencia di e hospital diferente biaha
pero no a haya respuesta. Davelaar no a tuma contacto cu AZV, pasobra e ta haya cu e prome
contacto lo mester ta cu hospital. Mirando cu esaki te aworaki no ta tumando lugar, e ta
invitando parlamentarionan pa pasa bishita e camber hiperbarico y pone riba nan agenda.

'NO SA DI EXISTENCIA'